Tɔŋ miingua 12:1 - BII BILA

¹ «La tuei-yɔ tɔŋndan a silala niaa bɛnda le biyɔɔ a le kelaa coo le fɛɛn a fɛɛn o lɛŋnde Mɛlɛka, Hala fuɲaa niaa mamaa yɔngu niaa le hiɔlɔɔ len nin-ndan.»

Tɔŋ miingua 12:1 Referans Kwoze

1Masaa 8:40

Tosa lende, o kon mì Israɛlla ke nɔm bɛɛlen le lɔ́ɔ́-lɔ́ɔ̀ o lɛŋnde n ke fuɲaa naa len coo.

SƐBƐ YƆB-O 7:1

«O co macoaa telen lepɔtɔllo le vanacieo co tosaa o lɛŋnden coo le? Vɛ̀ɛ̀ palɛi ndɔɛi co hiovɔ̀ɔ́ maa palɛi vana co baalaa le salaa sɔlaa-o le?

Condii lisai 146:2

Tuma ya vanin yoomu-o kpow bɛngu, i vanin balan lɔɔ, o ceen nuu nin kpow, i vanin condon solio le Mɛlɛka lisaa.

Condii lisai 104:33

Háá mì vi, i vanin Mɛlɛka lisaa o condon nin, i vanin ndu biiloo o condon nin o telen ya vanin yoomu-o nin kpow.

Tɔŋ miingua 12:19

Mɛ̀ɛ́-mɛ̀ɛ́ niaa viow o lɛŋnde niaale len nin, la caa taw, yɔŋii niaa pɔɛɛnun leviia.

Tɔŋ miingua 4:45

silalan, tɔŋndan a sɔɔn o tɛɛngul nda telen nda faŋan Esipte-o-on.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Tɔŋ miingua 11:32

La kindin mì la bii tɔŋndan a silala ya yɔngu niaa hau lan kpow.»

Condii lisai 119:5

Màá kela nuu bɛnda, mì bii silala nɔmndan!

Esekiɛl 20:19

Ya co Mɛlɛka ni, Hala niaa pɛɛn. La bii silala nilan, la tuei sɔɔn ya co niaa pɛɛkoo-on mì la kela lecoo.

Tɔŋ miingua 3:18

O telen pilɛ kon, mí dimul nda sɔɔn mun: ‹Mɛlɛka Hala niaa yɔngu niaa lɛŋnden nden kɛ́ɔ. Kɛ o niaa tɛɛn, vana-vana nɔla le ɲɛm cɔwvon cuaa le cɔwvo, ndu cua mun mì la sim puapilɛa niaa, Israɛlla laci a volɔɔla cɔwlan o laba.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.