Tɔŋ miingua 11:8 - BII BILA

⁸ Lelan, la bii tɔŋnda ya co niaa hau yɔngoo lan kpow, kon tosanin ni mì la sɔla yoomuan le lɛŋnde niaa co len luɛyɔɔ nin-nden kɔlan hiɔlɔɔ.

Tɔŋ miingua 11:8 Referans Kwoze

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

Condii lisai 138:3

Tuma ya ɲuna nɔm-ndo, má mulul-la, má luei ya yoomuan, má ke ya kpaayaa.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Tɔŋ miingua 28:47

Kani te la tósàl Mɛlɛka Hala niaa vallo a kɔlkɛndɔɔ a ɲaaloo telen niaa nɔ ɲɔɔn o ba taw-vo le,

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

Tɔŋ miingua 11:7

A toɲa, kaamaala Mɛlɛka tosa lan kpow, mí la ca lan a lehɔl ciŋ.

Tɔŋ miingua 4:14

O telen pilɛ kon, mí Mɛlɛka dimul-la le niaa tɔŋndan a silalan pɛɛkoo, haliko mi la kela lecoo o lɛŋnde niaa keinin nin le len hiɔlɔɔ a loo len nin.»