Tɔŋ miingua 11:1 - BII BILA

¹ «La kaola Mɛlɛka Hala niaa mi la bii tɔŋnda ndɔlan, silala ndɔlan a sɔɔn o dimul niaa-on le lɔ́ɔ́-lɔ́ɔ̀.

Tɔŋ miingua 11:1 Referans Kwoze

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Sakari 3:7

‹Nuaa Mɛlɛka-Nɔ-Kpaayaa-Kpow-vo soo ni aa: Taa kela pɛ o nɛila nilan coo, taa bii pɛ tɔŋnda nilan kpáŋ, nɔm vanin yaman kiolɔɔ o cɛi nuu nin ni, nɔm vanin bɛɛ nuu mandaa ni. O kon, i kenin nɔm fondaa o vanaa co haa isisi nanu-a tɛɛn.›

Tɔŋ lasálàá 8:35

O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»

Condii lisai 116:1

I kaola Mɛlɛka, kani o co diom nuu a cɛɛŋɔnnda nilan tueyɔɔ.

Condii lisai 105:45

haliko mi ndáà kela o nɛila ndɔlan coo, mì ndáà bii tɔŋnda ndɔlan. La lisa Mɛlɛka!

Tɔŋ miingua 6:1

«La yaŋ nilan o tɔŋndan, o silalan a o sɔɔn Mɛlɛka Hala niaa yɔngu ya le niaa pɛɛkoo-on, haliko mi la kɔ kela lecoo o lɛŋnde niaa co luɛyɔɔ nin le len hiɔlɔɔ len nin.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ lasálàá 18:30

Le hee, la bii tɔŋndo ho mì la lo lecoo sakpo. La tosa dɛnnda vɔɔnnda va tosanndo niaa laci o lɛŋnde len nin-ndan te few, yɔŋii niaa siŋnun vanaa nɔɔlɛiya. Ya co Mɛlɛka ni, Hala niaa pɛɛn.›»

Tɔŋ lasálàá 22:9

Vanaa-solia-lasálàá bɛnda mà bii silala nilan, yɔŋii nda cua hakio ma kɔndu dɛnɛ le ɲɛ nda diaa. Kani te a del pɛ kasi a ɲɛdiaa kon o kɔɔ, a sɔla piɔ́mndo. Ya co Mɛlɛka ni, ya kɛsi nda teengen le baala nuu ni.

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Tɔŋ miingua 11:13

Lelan, te la bii pɛ tɔŋnda ya co niaa hau yɔngoo lan, te la kaola pɛ ya Mɛlɛka Hala niaa mì la biilu ya a kɔlta niaalan kpow, a yoomu niaa kpede,

Tɔŋ miingua 11:22

Kani te la bii pɛ tɔŋnda ya yɔngu niaa le kelaa lecoo lan kpow, te la kaola pɛ Mɛlɛka Hala niaa, te la kela pɛ o nɛila o cɔm niaa lan coo, mì la holnun ndu,

Esekiɛl 20:19

Ya co Mɛlɛka ni, Hala niaa pɛɛn. La bii silala nilan, la tuei sɔɔn ya co niaa pɛɛkoo-on mì la kela lecoo.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 13:4

la yaŋ nilan o sɔɛi vana-tɛɛngaa-diom Hala kon te, te kon te o sɔɛi vana sina kon kɔlɔ lɔma sɔlaan-ndo le. Kani a vanaa súú vaa lende Mɛlɛka Hala niaa vanin keiyo le niaa kɔlɔɔ solio ni. Lende o vanin tosaa ni le sinaa te la kaola ndu lekɛ́ndɛi a kɔlta niaalan kpow a á yoomu niaa kpow.

Tɔŋ miingua 27:10

Lelan, la bii diom ndɔɔ mì la kela o tɔŋnda ndɔlan a o silala ndɔla ya co niaa hau yɔngoo lan coo.»

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.