Tɔŋ miingua 10:8 - BII BILA

⁸ O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

Tɔŋ miingua 10:8 Referans Kwoze

Tɔŋ miingua 21:5

O kon, vanaa-solia-lasálàá, poaa imamaa Levii-a sɔɔnguu, kani nda Mɛlɛka Hala niaa hɛli le baala ndɔɔ tosaa a le duaa dɔvɔɔ o diola ndɔlan ni, nda kialu yaman le cɔlɔbalan a le yɔŋulɔnndan ni.

Tɔŋ miingua 18:5

Kani o polama niaan nin, Levii nda poaa ndɔa imamaa Mɛlɛka Hala niaa hɛli ni, haliko ma va vallo tosaa o diola ndɔlan o Cɛi-Diandaa nin le fɛɛn a fɛɛn.

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

Kundalan 3:6

«Cua vanaa fula o polale Levii len nin-nda, ma sɔɔ nda Aarɔn vana-solia-lasálàá o ba le ndu malaa o vali kon nin.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Yeremi 15:19

Lelan diom Mɛlɛka dimi-o co hoo ni aa: «Taa muungu pɛ ya o ibuŋ, i minginin nɔm o baala nuu nin. Taa dimi sɔɔn laasi-laasi le, kɛ mà dimi sɔɔn kɔlkalon, mɛɛ nɔm vanin sondo nuu ni. Yudaa muungunin nɔm o ibuŋ, kɛ o co nɔm te muungunin nda o ibuŋ te.

2Dɛnnda lemasalan 30:27

O mɛɛlulan, mí leviaa-solia-lasálàá can, má dɔaw vannda duaa. Mí Hala tuɛi nda diom, mí piɛile ndalen le tiiya háá o halataala, o Calta diandaala Mɛlɛka lan pɛɛn.

1Dɛnnda lemasalan 15:26

Leviia tiiyaa a ndu, má solul Hala sálàá: navaa tovaa nda ŋɔmmɛw a saa kóndóa nda ŋɔmmɛw, le manda ndu Hala manda nda-o.

Tɔŋ lasálàá 9:22

Mɛɛ Aarɔn cii sálà va le hakio sɔlaa malɔɔ-o, sálà loamaa a sálà kɔlɲuloo soli, mó heelu bala ndɔlan coocoo, mó dɔaw Israɛlla kpow duaa. O kon mó faŋan o fonda-loamaa-lasálàá coo, mó toal lɛŋ.

Kalatea 1:15

Kɛ telen ɲɔɔ hɛnan vana hɛli ya lɔ́ɔ́ yáà vilun ndɔ loo-o, mó veelu ya a kɛndɛi ndɔɛi,

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Rɔmnda 12:7

Te vanndo sɔla pɛ vallo le vannda baalaa toallo, ndu tosal vannda baalaa. Vana sɔla pɛ vali pɛɛkaa-o, ndu pɛɛku vannda.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

Esekiɛl 44:15

Kɛ leviaa-solia-lasálàá fula o polale Sadɔk len nin-nda, a landu hɔlla o vali cɛi-kola-toandaa diandaa nuu coo telen Israɛlla va laasianndo ya levil-lo-a, nda nda vanin sɔɔnguuo ya ikɛi le vaa o vali nuu nin. A vanin simndan ya (Mɛlɛka) o hɔl le ya visin macuɛiyon a kooma cɔlua sálàá cɔmndo. Ya Maalii, ya co Mɛlɛka-o soo nuaa ni.›»

Esekiɛl 44:11

Vanaa malaa kínɛí nda co nin va o cɛi-kola-toandaa diandaa nuu nin ni, a vanin o diola bɛndula cɛi nuu le vaa vanaa cumulaa ladioa a le vallo tosaa o cɛi nuu nin. A vanin cɔlua co le sálà loamaa-a a cɔlua co le sálàla tɔ̀lan-nda bololan kiolɔɔ le vannda, o kon kɔɔli, a vanin isisi vannda o hɔl le nda baalaa tosallo.

Condii lisai 135:2

niaa vanaa co o Cɛi-Hala-o nin-nda, niaa co o bɛ́ɛ̀ Cɛi-Hala naa nin-nda pɛɛn.

Condii lisai 134:2

La heelu balan a kpengii Fonda-Diandaa, mì la mel Mɛlɛka balika.

2Dɛnnda lemasalan 29:11

Lelan sisa, niaa poaa nia, la va vanaa sáálan isɔɔ le-a le. Kani niaa Mɛlɛka hɛli ni le ndu simndan o hɔl, le ndu baalaa tosallo, le kaannden simndan laci a le ndu sálàla cuɛima cun kɛndɛlan ndu lumndo.»

1Dɛnnda lemasalan 23:26

Le hee, leviia cue lɛnin Calta Mɛlɛka lan a ɲɛm-laandun baalan ndɔn le balɔɔ a mun te.»

1Masaa 8:6

Mí vanaa-solia-lasálàá kɔ kɛsi kesu kpema Mɛlɛka-o o fonda ndɔɔ, o Fonda Diandaa-Diandaa va o cɛi-kola-toandaa diandaa nin, o Cɛi-Mɛlɛka-o nin-ndo nin, o kumbannda mɛlɛkaa kanda ɲɛm Hala-on-nda bɛngu.

Tɔŋ miingua 17:12

Te vanndo pum tosa pɛ yongaa, mò kɛɛ le yamɛi vana-solia-lasálà co baalaa tosaa le Mɛlɛka Hala niaa-o kelu-e cɛlɔɔ, te kon te mò kɛɛ le diom vana kialaa n'yamaa biyɔɔ, vana kon bɛnda mò sɔla piɔ́mndo kangalan. Lende niaa tosanin le dɛnɛ vɔɔndo faŋaa Israɛlla tɛɛn ni.

Kundalan 3:31

Ɲɛm nda va mandaa-on va mun ni: kesu kpemaa, tabali bulu toosian a lɛvɛn too va coo-o, ɲɛ kɛsiaa lafitinaa, fondala-loamaa-lasálàlan, ɲɛm diandan va le sálàlan solio-on a kola-landaa kelu Fonda-Diandaa a Fonda Diandaa-Diandaa tɛɛn-ndo. Ndáà tosa valta va a ɲɛm mun o kɔɔ lan ni.

Tɔŋ lasálàá 8:9

Mó vow ndu mɔsil vilɛiyo o lebol, mó handu pɛngɛi n'sianiei o mɔsil kon laci, tomasele diandaa co kon ni, mó va kpafii mɛɛ Mɛlɛka dimul ndu Moise le tosaa yɛ.

Tɔŋ miingua 31:9

Mí Moise sɛva tɔŋ kon, mó yɔngu vanaa-solia-lasálàá, poaa imamaa Levii-a, a ndáà cua kesu kpema Mɛlɛka-o le kɔlan a ndu-a, a kaasoŋaa kɔlkalua Israɛlla kpow.

1Dɛnnda lemasalan 15:2

O kon mó dimi aa: «Leviia daama bɛnda le kesu Hala-o cuaa ni, kani nda Mɛlɛka hɛli le ndu cuaa a le baala ndɔɔ tosaa le lɔ́ɔ́-lɔ́ɔ̀ ni.»

Condii lisai 134:1

Condii vannda keì solio nɛi-tɛɛn o kɔlan-nde. Niaa vanaa baalaa Mɛlɛka-a kpow, la mel ndu Mɛlɛka balika, niaa vanaa lo baalaa icɔl o cɛi Mɛlɛka-o nin-nda pɛɛn.

Tɔŋ miingua 21:3

le sinaa kobi co kpɛɛlun a fonda kon-ndo. O kon, kaasoŋaa kɔlkalua o kobi kon nin a bii naw téndé nda tosa vɔ baala a ndu loo, o nda hendu vɔ yɔm lebol o lebol too,

1Dɛnnda lemasalan 23:13

Poaa Amram-nda a yɔŋnun Aarɔn nda Moise ni. Má kɛsi Aarɔn nda polale ndɔlen teengen le lɔ́ɔ́-lɔ́ɔ̀, le ɲɛm diandaa-diandan mandaa, a le Mɛlɛka sálàlan solullo, le baala ndɔɔ tosaa a le duaalan dɔvɔɔ lɔ́ɔ́-lɔ́ɔ̀ o diola Mɛlɛka lan.