Tɔŋ miingua 10:5 - BII BILA

⁵ Mí mulin, mí toal pembei. Mí kɔ kɛsi powta yɛ́ndɛ́la lan o kesu yɔm yáà sɛl-lo nin, mí la va lakɛsiaa lon mɛɛ Mɛlɛka pila dimi yɛ.

Tɔŋ miingua 10:5 Referans Kwoze

Fulaa 40:20

Mí Moise cua powta yɛ́ndɛ́la tiɔnnda sɔɔn kpeman va n'sɛvaa coo lan, mó kɛsi lan o kesoo nin. Mó luei yɔmii va le kesu kon cuaa-e o kelan nda lɛɛnduu lon-ndon nin, mó handu kumbu kesu kon o kesoo coo.

Fulaa 34:29

Mí Moise faŋan o pembei Sinai coo, mó toal. Powta yɛ́ndɛ́la tiɔnnda sɔɔn kpeman va n'sɛvaa coo lan la va ndu o ba. O ve sina maa hɔlaa ndɔa co tengaa ŋɛlɛngi-ŋɛlɛngi le suukan o suukan nda Mɛlɛka-o le.

Yosue 4:9

Mí Yosue dii vɛlɛ powtan tɔ́ a latiɔn kundaa o peo kɔllo, nɛɛ vanaa-solia-lasálàá vá kɔlan a kesu kpemaa-a ndáà kɛsi pelon-nda. Háá paalen nden, powta lan la co vɔ o fonda kon.

Tɔŋ miingua 10:2

I sɛvanin sɔɔn va n'sɛvaa o powta yɛ́ndɛ́la tasela n pesi lan coo-on o powta yɛ́ndɛ́la n sialnin-ndan coo. I cii pɛ sɛva, a kɛsi powta yɛ́ndɛ́la lan o kesu yɔm kon nin.›

Tɔŋ miingua 9:15

O kon, mí mulin, mí toal pembei, yinnden le va vɔ o pembii kalɛi coo. Powta yɛ́ndɛ́la kpemaa va o sɛvaa coo lan la va ya o ba.

Fulaa 32:15

Mí Moise faŋan o pembei coo, mó toal, powta yɛ́ndɛ́la tiɔnnda kpemalan la va ndu o ba. Sɛvaa va o powta yɛ́ndɛ́la lan nin a o kɔɔ, sɛvaa va o kpengun miuŋun pow oo pow.

Fulaa 25:16

Ma kɛsi sɛbɛ kpema diandaa ya co nɔm yɔngu-o o kesu kon nin.

Fulaa 25:21

Ma handu kumbu kalaa o kesu kpema kon coo, ma kɛsi sɛbɛ kpema ya co nɔm yɔngu-o o kesu kon nin.

Fulaa 34:28

Mí Moise lo Mɛlɛka ikɛi o pembei coo lon háá palɛi belehiɔɔlu a malɔ belehiɔɔlu. O palɛi ken bɛngu, o di ɲɛdiaa le, o kol vɛlɛ le. Mí Mɛlɛka sɛva sɔɔn kpeman o powta yɛ́ndɛ́la Moise hel o ba lan coo, tɔŋnda tɔ́lan pɛɛn.