Tɔŋ miingua 10:4 - BII BILA

⁴ Mí Mɛlɛka sɛva tɔŋnda tɔ́lan o powta yɛ́ndɛ́la yáà kɔɛ o ba lan coo mɛɛ ndóò sɛva lan o powta yɛ́ndɛ́la taselan coo yɛ. Tɔŋnda ndóò yɔngu o pembei coo o yinnden tɛɛn paale niaa va a cuungiannda ndu o hɔl-ten-ndan pɛɛn. Mó cua lan, mó yɔngu ya.

Tɔŋ miingua 10:4 Referans Kwoze

Tɔŋ miingua 9:10

Mí Mɛlɛka yɔngu ya powta yɛ́ndɛ́la tiɔnndan, la ndu Hala pila sɛva coo a suei ndɔɛi lan. Sɔɔn o soo o yinnden tɛɛn o pembei coo paale niaa va a cuungiannda ndu o hɔl-ten-ndon va n'sɛvaa lecoo kpow.

Fulaa 34:28

Mí Moise lo Mɛlɛka ikɛi o pembei coo lon háá palɛi belehiɔɔlu a malɔ belehiɔɔlu. O palɛi ken bɛngu, o di ɲɛdiaa le, o kol vɛlɛ le. Mí Mɛlɛka sɛva sɔɔn kpeman o powta yɛ́ndɛ́la Moise hel o ba lan coo, tɔŋnda tɔ́lan pɛɛn.

Tɔŋ miingua 18:16

Kani lende niaa piɛi lɔ́ɔ́ kon Mɛlɛka Hala niaa paale niaa cuungian o pembei Horɛb bɛngu len ni. Bau mí la dimi aa: ‹N yeema lɛ mì n tuei Mɛlɛka Hala diom le sɔɛi o naa lo sakpo le, n yeema lɛ vɛlɛ mì n ce yinnde bɛndulen nden te, yɔŋii naa n vu.›

Fulaa 34:1

Mí Mɛlɛka dimul Moise aa: «Nɔm pila siɔl powta yɛ́ndɛ́lan tan tiɔn maa lataselan, mì sɛva sɔɔn va n'sɛvaa o latasela n pesi lan coo-on lecoo.

Fulaa 31:18

Mɛɛ Mɛlɛka cii Moise sɔɔn mun dimul o pembei Sinai coo, mó yɔngu ndu powta yɛ́ndɛ́la kpemalan tan tiɔn, powta yɛ́ndɛ́la ndu Hala pila sɛva coo a suei ndɔɛi lan pɛɛn.