Tɔŋ miingua 10:2 - BII BILA

² I sɛvanin sɔɔn va n'sɛvaa o powta yɛ́ndɛ́la tasela n pesi lan coo-on o powta yɛ́ndɛ́la n sialnin-ndan coo. I cii pɛ sɛva, a kɛsi powta yɛ́ndɛ́la lan o kesu yɔm kon nin.›

Tɔŋ miingua 10:2 Referans Kwoze

1Masaa 8:9

Powta yɛ́ndɛ́la tiɔnndan koni la va lenin ni, powta yɛ́ndɛ́la Moise ndóò kɛsi lenin Horɛb telen Mɛlɛka yii kpemaa nda Israɛlla o fula nda va Esipte-o lan pɛɛn.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Tɔŋ miingua 10:5

Mí mulin, mí toal pembei. Mí kɔ kɛsi powta yɛ́ndɛ́la lan o kesu yɔm yáà sɛl-lo nin, mí la va lakɛsiaa lon mɛɛ Mɛlɛka pila dimi yɛ.

Tɔŋ miingua 4:13

Mó cɔm niaa kpema ndɔɔ, mó dimul niaa le ndu biyɔɔ a le kelaa lecoo, tɔŋnda tɔ́lan pɛɛn, mó sɛva lan o powta yɛ́ndɛ́lan tan tiɔn coo.

Fulaa 40:20

Mí Moise cua powta yɛ́ndɛ́la tiɔnnda sɔɔn kpeman va n'sɛvaa coo lan, mó kɛsi lan o kesoo nin. Mó luei yɔmii va le kesu kon cuaa-e o kelan nda lɛɛnduu lon-ndon nin, mó handu kumbu kesu kon o kesoo coo.

Fulaa 34:1

Mí Mɛlɛka dimul Moise aa: «Nɔm pila siɔl powta yɛ́ndɛ́lan tan tiɔn maa lataselan, mì sɛva sɔɔn va n'sɛvaa o latasela n pesi lan coo-on lecoo.

2Dɛnnda lemasalan 5:10

Powta yɛndɛlan tan tiɔn daama la va o kesoo nin ni, Moise ndóò vow lan lenin telen o va Horɛb mí Mɛlɛka yii kpemaa nda Israɛlla o faŋan ndaa Esipte kɔɔli-o ni.

Fulaa 32:19

Mɛɛ nda tiiya o dɔ́ɔ́ngɔ́ɔ̀ ikɛi, mí Moise ca piɔm nda cɔw kon maa naw téndé-o, mó ca mɛɛ vannda va kponyoo yɛ, mó tuulu kɔl taw-taw, mó viaw powta yɛ́ndɛ́la va ndu o ba lan, mí la cuinun o pembei bɛngu mululu.