Tɔŋ miingua 10:12 - BII BILA

¹² «Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Tɔŋ miingua 10:12 Referans Kwoze

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Luke 10:27

Mí vana pɛɛkaa latɔŋ kon muli aa: «Kaola Mɛlɛka, o co Hala nɔmndo-o a kɔl nɔmndo kpow, a yoomu nɔmndo kpow, a kpaaya nɔmndo kpow a á yiyan nɔmndo kpow. Kaola caanda maa nɔm pila.»

Tɔŋ miingua 5:33

La kɔ o nɛi Mɛlɛka Hala niaa cɔm niaa-o coo sakpo. Kon tosanin ni mì la sɔla dɛnɛ kɛndɔɔ, mì la viow yoomu o lɛŋnde niaa co kɔlan hiɔlɔɔ len nin.»

Tɔŋ miingua 11:13

Lelan, te la bii pɛ tɔŋnda ya co niaa hau yɔngoo lan, te la kaola pɛ ya Mɛlɛka Hala niaa mì la biilu ya a kɔlta niaalan kpow, a yoomu niaa kpede,

Matie 22:37

Mí Yeesu mulul ndu aa: «Kaola Mɛlɛka, o co Hala nɔmndo-o a kɔl nɔmndo kpow, a yoomu nɔmndo kpow a á yiyan nɔmndo kpow.

Sofoni 3:9

«I dindinin cɔcɔn vanaa súúla celen, haliko ma piɛi ya, mà tosal-la vallo a diom pilɔɔ.

Condii lisai 34:9

La tofa vɔ mì la ce mɛɛ Mɛlɛka naŋ yɛ. Dɛnɛ kɛndɔɔ co le vana vennun Mɛlɛka o ba bɛngu-o!

Tɔŋ miingua 4:29

O kon la nuwviaanin Mɛlɛka Hala niaa. La saalunnin ndu, te la muungu pɛ ndu o ibuŋ a kɔlta niaalan kpow a á yoomu niaa kpow.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Condii lisai 145:20

Mɛlɛka co vanaa kaola ndu-a kpow kandaa, kɛɛ, o co vanaa yɔŋ vɔɔnda kpow tɛɛmbuuo.

Condii lisai 128:1

Condii vannda keì solio nɛi-tɛɛn o kɔlan-nde. Duaa co le vanaa nɔ siòòŋii Mɛlɛka-e, mà va kelaa o nɛila ndɔlan coo-a kpow!

Condii lisai 81:13

Le hee, mí mal nda a bɛɛlala ndalan, má tosa yiyannda nda pila lan.

Yosue 22:5

Kɛ nduyɛ, la kela o tɔŋnda Moise vana baala Mɛlɛka-o yɔngu niaa lan coo. La kaola Mɛlɛka Hala niaa, la va kelaa lɔ́ɔ́-lɔ́ɔ̀ o nɛila ndɔlan kpow coo, mì la bii tɔŋnda ndɔlan. La holnun ndu, mì la tosal ndu vɛlɛ baalaa a yiyannda niaalan a á kɔlta niaalan kpow.»

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Tɔŋ miingua 30:16

Tɔŋ ya co niaa hau yɔngu-o co le Mɛlɛka Hala niaa kaolaa ni, le kɔlan o nɛila ndɔlan coo a le tɔŋnda ndɔlan, silala ndɔlan a pɛɛkula ndɔlan biyɔɔ, haliko mi la va yoomu, mì la kui, mì Mɛlɛka Hala niaa dɔw niaa duaa o lɛŋnde niaa co kɔlan luɛyɔɔ nin le len hiɔlɔɔ len nin.

1Nsaŋ 5:5

Ɔ́ɔ̀ vana nɔla ceendo-o, te o faŋan pɛ o vana laalan maa Yeesu co Po Hala-o ni-o kɔɔli?

1Nsaŋ 2:15

La kaola ceendo le, la kaola ɲɛm co o ceendo nin-ndon te. Te vanndo kaola pɛ ceendo, kaola Pua-o ve ndu nin te,

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Luke 11:42

Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.

SƐBƐ YƆB-O 36:11

Taa tuei pɛ mà bii sɔɔn mun, mɛɛ a siownin palɛi ndɛi o dɛnɛ kɛndɔɔ nin, mì vɔsila ndalan la siŋnun vɔsila yeelɛilan.

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Condii lisai 18:1

Condii David-e, í fula o condun simlacinɔ vanaa n'condua nin-nde. David vana baala Mɛlɛka-o condu ndi tuma Mɛlɛka baŋa ndu yaamɔaa ndɔa kpow o ba-o, kɛ taama-taama Saul o ba.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

Fulaa 23:25

Ya Mɛlɛka, ya co Hala niaa-o kínɛí niaa bɛnda le biiloo ni, haliko mi dɔw niaa duaa, mì yɔngu niaa ɲɛdiaa kɛndɛ-kɛndɔɔ a mɛnndan taw-taw, mì kanda niaa vɛlɛ le nààlan.

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Tɔŋ miingua 6:24

Le hee, mí Mɛlɛka Hala naa dimul naa le tɔŋndan ndan kpow biyɔɔ a le siòòŋii ndɔɛi nɔu, haliko mi n sɔla dɛnɛ kɛndɔɔ, mò ke naa yoomoo mɛɛ o co vɔ naa ndu yɔngoo hau nuaa yɛ.

Tɔŋ miingua 10:11

Mó dimul-la aa: ‹Cɔn ma kɔ sim vannda ha laci le kɔlan lɛŋnde ya yiilu fuɲaa ndaa mamaa kpemaa le nda keo len hiɔlɔɔ.›»

Tɔŋ miingua 10:13

O yeema mì la bii tɔŋnda ndɔlan a silala ndɔla ya co niaa hau tɛɛngullo lan, haliko mi la sɔla dɛnɛ kɛndɔɔ.

Tɔŋ miingua 11:1

«La kaola Mɛlɛka Hala niaa mi la bii tɔŋnda ndɔlan, silala ndɔlan a sɔɔn o dimul niaa-on le lɔ́ɔ́-lɔ́ɔ̀.

Yosue 24:14

Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.

1Masaa 3:3

Salomɔn ndóò kaola Mɛlɛka taw, o va vɛlɛ kelaa o silala David fuɲa ndɔ ndóò yɔngu ndu lan coo. Kɛ a kon kpede, o sooluulan ndu bɛɛ ndóò soli sálàla cɔlua a sálàla ansan-ndan ni.

Condii lisai 119:2

Duaa co le vanaa co silala Mɛlɛka lan biyɔɔ mà va ndu nuwviaa a kɔlta ndalan kpow-va.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Tɔŋ miingua 26:16

«Paalen nden hau, Mɛlɛka Hala niaa dimul niaa le kelaa o silala ndɔlan a o tɔŋnda ndɔlan coo. La bíí lan mì la kela lecoo a kɔlta niaalan a á yoomu niaa kpow.

Tɔŋ miingua 27:10

Lelan, la bii diom ndɔɔ mì la kela o tɔŋnda ndɔlan a o silala ndɔla ya co niaa hau yɔngoo lan coo.»

1Samiɛl 12:20

Mí Samiɛl dimul nda aa: «Siòòŋii bii niaa le. I co toɲa maa la tosa dɛnɛ vɔɔndo taw. Kɛ la mulul lɛ Mɛlɛka kɔɔ le, la tosal ndu baalaa a kɔlta niaalan kpow.

2Masaa 10:31

Kɛ a kon kpow, Yehu cɛl le kelaa a kɔl ndɔɔ kpow o tɔŋ Mɛlɛka, Hala Israɛlla-o coo le, o soli balan o pɔwla Yeroboam ndóò mal Israɛlla nin-ndan nin te.

2Masaa 18:3

Mó tosa ɲɛ bɛnda Mɛlɛka o hɔl-lo mɛɛ David fuɲa ndɔ mama ndóò tosa yɛ.

2Masaa 18:6

Mó yiinun a Mɛlɛka. O feŋan ndu o ibuŋ te few. Mó bii silala Mɛlɛka ndóò sɛval Moise lan.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

2Dɛnnda lemasalan 15:12

Má yii kpemaa le Mɛlɛka, Hala fuɲaa ndaa mamaa holnɔnndo a kɔlta ndalan a á yoomula ndalan kpow.

Condii lisai 81:14

Àá! Te yungu nuu ndóò tuei ya pɛ diom, te Israɛlla ndáà kela pɛ o nɛila nilan coo!