Tɔŋ miingua 10:11 - BII BILA

¹¹ Mó dimul-la aa: ‹Cɔn ma kɔ sim vannda ha laci le kɔlan lɛŋnde ya yiilu fuɲaa ndaa mamaa kpemaa le nda keo len hiɔlɔɔ.›»

Tɔŋ miingua 10:11 Referans Kwoze

Fulaa 33:1

Mí Mɛlɛka dimul Moise aa: «Cɔn ma faŋan o fondaa ho. Cua vanaa n soli haa o lɛŋnde Esipte len nin-nda, mì la kɔɛ o lɛŋnde ya yiilu Abraham, Isaak a Yakɔb kpemaa, mí mɛnalan nda le cuavaa ndaa imamaa len yɔngoo len nin.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Tɔŋ miingua 10:10

Mí lo o pembei coo lon háá palɛi belehiɔɔlu a malɔ belehiɔɔlu maa o tasendɔ. O kon vɛlɛ, mí Mɛlɛka muli piɛile nilen muli kɛndɛ, o diw niaa le.

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»