Tɔŋ miingua 1:8 - BII BILA

⁸ La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Tɔŋ miingua 1:8 Referans Kwoze

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

Hebreea 6:13

Lɔ́ɔ́ Hala yiilu Abraham kpemaa-o, mó mɛnalan ndu o diola ndɔla ndu pila lan, kani vana celen co le, o hiow ndu Hala-o, haliko mi ndóò mɛnan o diola vana kon.

Hebreea 6:14

Mó dimi aa: «I mɛnan maa i dɔawnin nɔm duaa taw, mí kuil cuavaa-imamaa nɔmnda.»

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Fulaa 33:1

Mí Mɛlɛka dimul Moise aa: «Cɔn ma faŋan o fondaa ho. Cua vanaa n soli haa o lɛŋnde Esipte len nin-nda, mì la kɔɛ o lɛŋnde ya yiilu Abraham, Isaak a Yakɔb kpemaa, mí mɛnalan nda le cuavaa ndaa imamaa len yɔngoo len nin.

Kundalan 14:23

vanaa kan kpow o pilɛ bɛɛ ci lɛŋnde ya yiilu fuɲaa ndaa mamaa kpemaa, mí mɛnalan nda le nda len yɔngoo len a lehɔl te. Vanaa pɛɛsa ya-a kpede, o pilɛ bɛɛ luei lenin te.

Kundalan 32:11

‹Vanaa fula haa Esipte má nɔ hau vɔsilan bidiin háá hiovɔɔ bidiin-nda, a luei o lɛŋnde ya mɛnalan Abraham, Isaak Yakɔb le nda len keo len nin te few. Kani a bii diom nuu mà lo lecoo le,

Tɔŋ miingua 1:11

Màá Mɛlɛka, Hala fuɲaa niaa mamaa vangala niaa vɛlɛ vaalan o vaalan nin, mì la kui taw-taw! Màá o dɔw niaa duaa mɛɛ o yiilu niaa kpemaa yɛ fɔ́!

Tɔŋ miingua 11:24

Fonda oo fonda niaa pila pɛ pelei, niaa nɔnin fonda kon ni. Lɛŋnde niaalen le cannin a lɛŋnde veselɛilen, mì le kɔ tiiya háá Liban, le cannin vɛlɛ a pee bɛndoo Efrate, mì le kɔ tiiya háá o mɛmma ihɛllan Mediteranee.

Nehemi 9:15

Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.

Yeremi 32:22

Má ke nda lɛŋnde nɔm óò mɛnalan fuɲaa ndaa mamaa le nda yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.

Esekiɛl 47:14

La bɛnda mì la loo len, mì le va kɛ́ niaa, mì la piɔw len, mì vana-vana sɔla kpen-kpen vellaa-velle, maa mɛɛ ya heelu baa mì mɛnan le fuɲaa niaa mamaa lɛŋnde kalalen yɔngoo yɛ. A toɲa la loonin lɛŋnden nden mì le siŋnun kɛ́ niaa.

Tɔŋ miingua 1:35

‹Vanaa lanila kalua ha, o pilɛ bɛɛ ci lɛŋnde kɛndɛle ya yiilu fuɲaa ndaa mamaa kpemaa le nda len yɔngoo len te.

Tɔŋ miingua 2:29

Lende koni cuavaa-imamaa Esau-va, á co icali o lɛŋnde Seir len nin-nda a vannda Moab, á co icali Ar-a mal naa hiovɔɔ ni. Lelan, nɔm bɛɛ cɛl mì n kei o lɛŋnde nɔmnden nin háá mì n kɔ taŋ peo Yurdɛn, le kɔlan luɛyɔɔ o lɛŋnde Mɛlɛka Hala naa yɔngu naa len nin.›

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ miingua 6:10

Lɔ́ɔ́ Mɛlɛka Hala niaa lueinin niaa o lɛŋnde o yiilu fuɲaa niaa mamaa Abraham, Isaak a Yakɔb kpemaa le niaa yɔngoo len nin-ndo, la komalnin kobila bɛndula kɛndɛ-kɛndɛla niaa tengul te lan ndon.

Tɔŋ miingua 7:8

kɛ le tùú Mɛlɛka kaola niaa taw-vo, le tùú o yeema le kpema o yiilu fuɲaa niaa mamaa mó mɛnalan nda-o peeloo-o, lelan o puu niaa Faraɔnnɔɔ, o co masaa Esipte-o o ba a kpaayaa ni, mó soli niaa o celen nin.

Tɔŋ miingua 7:12

Te la yaŋ pɛ nilan o tɔŋndan ndan, te la bii pɛ lan mì la kela lecoo, Mɛlɛka Hala niaa peelunin kpema o yiilu fuɲaa niaa mamaa mó mɛnalan nda le lou o lediom coo-o.

Tɔŋ miingua 7:13

O kaolanin niaa, mò dɔw niaa duaa, mò vangala niaa, mò dɔw hɔ́aa niaa duaa. O dɔawnin ɲɛm niaa vanin váà a tɔlɔɔ-on duaa: kandɔɔ maalon, rɛsɛnndon, kɔ bii a olivieela niaalan. O vangalanin cɔlua niaa taw: nawva, saa a cuinnda, mà kui o lɛŋnde o yiilu fuɲaa niaa mamaa kpemaa mó mɛnalan nda le nda len yɔngoo len nin.

Tɔŋ miingua 8:1

«Tɔŋnda ya co niaa yɔngoo hau lan kpow, la kindin mì la bii lan, mì la kela lecoo, haliko mi la va yoomu, mì la kui taw, mì la hɛlu lɛŋnde Mɛlɛka yiilu fuɲaa niaa mamaa kpemaa mó mɛnan le nda len keo len.

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Tɔŋ miingua 10:11

Mó dimul-la aa: ‹Cɔn ma kɔ sim vannda ha laci le kɔlan lɛŋnde ya yiilu fuɲaa ndaa mamaa kpemaa le nda keo len hiɔlɔɔ.›»

Tɔŋ miingua 11:9

Kon tosanin vɛlɛ ni mì la viow yoomu o lɛŋnde cɔlua a tɔlɔɔlan la naŋ nin taw-taw len nin, lɛŋnde Mɛlɛka yiilu fuɲaa niaa mamaa kpemaa, mó mɛnan le nda a cuavaa ndaa imamaa len yɔngoo len pɛɛn.»

Tɔŋ miingua 26:3

O tiiya pɛ, o kɔɛ o vana-solia-lasálà vanin sálàlan solio lon o palɛi ken nin-ndo lo, o dimul ndu aa: ‹I dimi hau Mɛlɛka Hala nɔmndo o hɔl maa i luɛi o lɛŋnde ndu Mɛlɛka yiilu fuɲaa naa mamaa kpemaa, mó mɛnalan nda le naa len yɔngoo len nin.›

Tɔŋ miingua 26:15

Lelan, lo o calta nɔmnda diandaalan nin ma tofa, lo o halataala ma tofa, ma tuisi vanaa nɔmnda duaa coo, Israɛlla pɛɛn, ma dɔw lɛŋnde n yɔngu naalen duaa, lɛŋnde n yiilu fuɲaa naa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.›»

Tɔŋ miingua 28:11

Mɛlɛka yɔngunin niaa ɲɛm kɛndɔn taw o lɛŋnde ndu Mɛlɛka Hala niaa yiilu fuɲaa niaa mamaa kpemaa, mó mɛnalan nda le niaa len yɔngoo len coo. O kenin niaa cuawva taw, o kuinin cɔlua niaa, mò nɛŋi ciɛɔn niaan a tɔlɔɔla niaalan taw-taw.

Tɔŋ miingua 29:12

Kon co tosan haliko mo siinguu niaa hau yungu ndɔɔ, mì ndu pila va Hala niaa maa mɛɛ o dimul niaa yɛ a mɛɛ o mɛnalan fuɲaa niaa mamaa Abraham, Isaak a Yakɔb yɛ.

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Tɔŋ miingua 31:7

Mí Moise veelu Yosue Irsaɛlla kpow o hɔl, mó dimul ndu aa: «Kindikindin ma sim yili. Kani nɔm lueinin vannda ha o lɛŋnde Mɛlɛka yiilu fuɲaa ndaa mamaa kpemaa a mɛnanndo le nda len keo len nin ni. Nɔm piɔwnin nda len ni.

Tɔŋ miingua 34:4

O kon mí Mɛlɛka dimul ndu aa: «Tofa vɔ lɛŋnde ya yiilu Abraham, Isaak a Yakɔb kpemaa, mí mɛnalan nda le nda len yɔngoo len. Mí dimul nda aa: ‹Lɛŋnden nden ya yɔngunin cuavaa niaa imamaa ni.› I cɔm nɔm Moise lɛŋnde kalalen, má ca len a lehɔl, kɛ a lueinin lenin te.»

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Masaa kialaa n'yamaa 2:1

Mɛɛ mɛlɛkanɔ Hala-o fula Kilkal, mó kɔa Bokim. Mó kɔ dimul Israɛlla aa: «I soli niaa Esipte mí kɔa a niaa o lɛŋnde ya mɛnalan sindɛ fuɲaa niaa mamaa le nda keo len nin. Mí dimul niaa maa i mangalanin kpema ya yiilu niaa-o lɔ́ɔ́-lɔ́ɔ̀ le.