Tɔŋ miingua 1:7 - BII BILA

⁷ Lelan, la puusiaa dɔ́ɔ́ngɔ́ɔ̀ mì la kɔɛ laci. La kɔ o tàndá n'pembu Amoriia nin a o tàndàla balu lon-ndan kpow nin: dɛɛlala vesɛilan, pembon, dɛngbɛlan, tàndá co o mɛmma ihɛllan kɔngɔ-o, Nekɛv a o mɛnndan demullo. La luɛi o lɛŋnde Kanannda nin a o lɛŋnde Liban-nden nin háá o pee bɛndoo Efrate.

Tɔŋ miingua 1:7 Referans Kwoze

Tɔŋ miingua 11:24

Fonda oo fonda niaa pila pɛ pelei, niaa nɔnin fonda kon ni. Lɛŋnde niaalen le cannin a lɛŋnde veselɛilen, mì le kɔ tiiya háá Liban, le cannin vɛlɛ a pee bɛndoo Efrate, mì le kɔ tiiya háá o mɛmma ihɛllan Mediteranee.

Yosue 10:40

Mí Yosue bii lɛŋnde len kpow, cɔnɔnndo o tàndá n'pemboo, keiyo a tàndá co a ba too-o, kɔ fula o dɛɛlalan nin, kɔ tiiya a tàndá co o mɛnndan kɔngɔ-o, a masaa va lon-nda kpow. Vana-vana helun ndu le, mó diw ɲaa yoomaa kpow, maa mɛɛ Mɛlɛka Hala Israɛlla ndóò dimul ndu yɛ.

Amɔs 2:9

Nduyɛ, nda o hɔl ya diw Amoriia ni, Amoriaa kan ndáà bandu maa yɔmii sɛɛdre, ndáà nɔ yoomuan maa iyálán. Kɛ mí tɛɛmbuu kɔmnde ndalen coocoo a puundun ndan lɛŋ.

1Dɛnnda lemasalan 18:3

Tuma Hadadesɛr va masaa Soba-o, o masalen ndɔlen léè tiiya háá Hamat-o va kɔlan a masale ndɔlen pɛngɛlaa o tàndá co Efrate leeloo-o coo-o, mí David cɔlɔba vɛlɛ kon, mó nɔla ndu.

1Dɛnnda lemasalan 5:9

A ba paalen le can-ndo, a va icali kandɔɔ o peo Efrate háá o pɛɛngulan a lɛŋnde veselɛilen. Kani cɔlua ndaa va bɔɔ sɛ́lɛ́ o tàndá Kalaad-o nin.

2Samiɛl 8:3

Tuma Hadadesɛr, po Rehɔb va masaa Soba-o, ndóò yeema le kɔlan tàndà va o peo Efrate leeloo-o hiɔlɔɔ-o, mí David nɔla vɛlɛ kon.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Yosue 1:4

Kandɔɔ o lɛŋnde veselɛilen a ba too, kɔlan háá o pembon Liban a ba luaŋ-ndo, kɔ bii a pee bɛndoo Efrate a ba paalen le can-ndo, keiyo a lɛŋnde Hitiia kpow, kɔlan delɔɔ o mɛmma ihɛllan coo a ba paalen le del-lo, lɛŋnde niaalen le vanin nden ni.

Tɔŋ miingua 11:11

Kɛ lɛŋnde niaa co kɔlan luɛyɔɔ nin le calle len, lɛŋnde n'pembulen a lɛŋnde ladɛɛlalen le co ni, piɔɔ sia fulaa o halataala-o co len pɔɔliaa ni.

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Dɛnnda cɔɔmuanndan 9:14

mó dimul mɛlɛkanɔ ŋɔmpundɔ bulu hɔŋaa va o ba-o aa: «Tiimbuu mɛlɛkaa hiɔɔlua co haa a yiyaa a yɔlɔn o pee bɛndoo Efrate kɔngɔ-a.»

O Kandɔɔ 12:9

O kon kɔɔli, mó can muungoo a ba too. O lo kɔlan o pɔm-pɔmbɔ, mó kɔ tiiya o lɛŋnde veselɛilen Nekɛv nin.

Tɔŋ miingua 1:19

«O kon kɔɔli, mí n faŋan o pembei Horɛb, mí n kei o lɛŋnde veselɛile bɛndu-bɛndule lueì len vana siòònde len nin, le niaa ce len pɛɛn. Mí n kɔa o tàndá n'pembu Amoriia nin maa mɛɛ Mɛlɛka Hala naa pila dimul naa yɛ. Mí n tiiya Kadɛs-Barnea.

Kundalan 10:12

O kon, mí Israɛlla faŋan o lɛŋnde veselɛilen Sinai nin, má bii kɔlan o pɔm-pɔmbɔ. Mí kumnde kɔ sim o lɛŋnde veselɛilen Paran nin.

Yosue 9:1

Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

1Dɛnnda lemasalan 27:29

Sitrai fula Saron-ndo ndóò nɔ hɔlten o navaa va yondoo nin Saron-nda coo ni. Safat po Adlai-yo ndóò nɔ hɔlten o navaa va o dɛɛlalan nin-nda coo ni.