Tɔŋ miingua 1:21 - BII BILA

²¹ La tofa vɔ, Mɛlɛka Hala niaa mal lɛŋnden niaa o ba. Lelan, la kɔ mì la kɔ hiɔlu len mɛɛ Mɛlɛka, Hala fuɲaa niaa mamaa dimul niaa ndi yɛ. La yɔ́ŋ isiòòn te, la ɲííyà le.›

Tɔŋ miingua 1:21 Referans Kwoze

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Hebreea 13:6

Lelan n tiwba mì n dimi a laalanndo aa: «Mɛlɛka co vana co ya malaa-o ni, siòòŋii co ya a ɲɛ-ɲɛ le. Yɛɛ vanndacieea nɔla yɛ ya yɔŋ?»

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Kundalan 13:30

Ndáà kandu nin Moise tɛɔ biyɔɔ, mí Kalɛb kpaa nda, mó dimul nda aa: «N kɔnnun mì n hɛlun lɛŋnde len, kani n nɔla mi n hɛlu len few.»

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Tɔŋ miingua 1:20

Mí dimul niaa aa: ‹Mí la cè mɛɛ niaa tiiya o tàndá n'pembu Amoriia nin yɛ, o Mɛlɛka Hala naa yɔngu naa-o.

Tɔŋ miingua 9:23

Mɛɛ Mɛlɛka ndóò yeema le niaa faŋaa Kadɛs-Barnea, mó dimul niaa aa: ‹La kɔ! La kɔ hiɔlu lɛŋnde ya ke niaa len.› Kɛ mí la kɛɛ Mɛlɛka Hala niaa diom, la laalan ndu le, la yeŋ nilan o sɔɛi ndɔɛi le.

Nehemi 9:15

Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.

Tɔŋ miingua 7:18

Kɛ siòòŋii bii niaa a nda le. La loonun-ndɔ a ɲɛ Mɛlɛka Hala niaa tosal masaa Esipte a lɛŋnde len kpow-vo.

Tɔŋ miingua 7:21

La yɔŋ isiòòn mì la ɲiiya nda o hɔl te, kani Mɛlɛka Hala niaa, o co niaa tɛɛn-ndo, Hala bɛndoo a kpúlúnkùmaa o co ni.

Tɔŋ miingua 20:3

o dimul nda aa: ‹Israɛlla, la yaŋ nilan. La co hau sɔɔnguuo le yaamɔaa niaa cɔlɔbaa, lelan, la vu n'dial te. La yɔŋ isiòòn te. La yɔŋnun yoloma-yoloma nda o hɔl te.

Tɔŋ miingua 31:6

Lelan, la lueinun yoomuan mì la sim yili. Siòòŋii bii niaa le. La ɲiiya nda o hɔl te. Kani Mɛlɛka Hala niaa pila co va kɔlan a niaa latulu, o faŋannin niaa ikɛi le, o melnin niaa le.»