Tɔŋ miingua 1:2 - BII BILA

² Cɔnɔnndo o pembei Horɛb, keiyo a nɛi kei a pembei Seir-o, kɔ tiiya háá Kadɛs-Barnea, palɛi tɔ́ a lepilɛ vana tosa o kɔlan nin ni.

Tɔŋ miingua 1:2 Referans Kwoze

Kundalan 13:26

Má komal Moise, Aarɔn a Israɛlla kpow nɛɛ nda va icali o lɛŋnde veselɛilen Paran nin Kadɛs-a, má downun nda kona, má cɔm nda kɔmnde tɔlɔɔla co o lɛŋnde len nin-ndan.

Kundalan 32:8

Nuaa koni fuɲaa niaa mamaa tosa telen naa n va vɔ Kadɛs-Barnea, mí viam nda suansuaannden tosaa le lɛŋnden mɛɛndanndo-o ni.

Tɔŋ miingua 9:23

Mɛɛ Mɛlɛka ndóò yeema le niaa faŋaa Kadɛs-Barnea, mó dimul niaa aa: ‹La kɔ! La kɔ hiɔlu lɛŋnde ya ke niaa len.› Kɛ mí la kɛɛ Mɛlɛka Hala niaa diom, la laalan ndu le, la yeŋ nilan o sɔɛi ndɔɛi le.

Yosue 14:6

Paale pum, mí vanaa fula o polale Yuda len nin-nda kɔa o Yosue lo Kilkal, mí Kalɛb po Yefune Kenisiinɔ-o dimul ndu aa: «Vɛ̀ɛ̀ a loonun pá ɲɛ Mɛlɛka dimul Moise vana baala Hala-o le nɔm a ya o kɔɔ Kadɛs-Barnea-o?

Tɔŋ miingua 2:8

Le hee, mí n kpakpala puapilɛa naa, cuavaa-imamaa Esau-va pɛɛn, á co icali o tàndá Seir-o nin-nda, mí n keinun lándán. Mí n kei a nɛi bóllo Araba, o cɛn Eilat a Ɛsiɔn-Kebɛr-o. Kɔlan lándán, mí n faŋan o nɛi kon coo, mí n del o nɛi kɔɛ a lɛŋnde veselɛilen Moab-o coo.

Tɔŋ miingua 2:4

Dimul vannda mi la kei o pɛɛngula lɛŋnde puapilɛa niaa ikɛi, cuavaa-imamaa Esau-va pɛɛn, á co icali o tàndá Seir-o nin-nda. Yungu kon yɔŋnin siòònde a niaa. Kɛ la caa dɛ!

Tɔŋ miingua 1:44

O kon mí Amoriaa co icali lon-nda fula, má kuel niaa, má toaw niaa mɛɛ lɛa toaw vana nuaa yɛ. Má kandu niaa koŋɔɔ Seir, má kɔ mɛɛlu niaa háá Hɔrma.

Tɔŋ lasálàá 9:23

O kon kɔɔli, mí Moise nda Aarɔn a luɛi o cɛi-kola-toandaa-labɔɔŋianndo nin. Mɛɛ nda fula, má dɔaw Israɛlla kpow duaa. Mí biilu Mɛlɛka-o cɔmnun vana-vana va lon.

Tɔŋ lasálàá 2:14

Taa yeema pɛ le ya Mɛlɛka sálàá solullo a ɲɛm tasen n kow-von, a bɛnda ma yɔngu ya yasala n toŋ o yin má cui lan-ndan.

Fulaa 3:1

Moise va cɔlua Yetro lefu ndɔ-a mandaa, vana-solia-lasálàá Madian pɛɛn. Paale pilɛ, mɛɛ o kɔɛ a nda o lɛŋnde veselɛilen lekɔɔli, mó tiiya o pembii Hala-e, pembei Horɛb pɛɛn.

O Kandɔɔ 32:3

Mɛɛ o ce nda, mó yonda aa: «Nanu dɔ́ɔ́ngɔ́ Hala-o co ni.» Mó ke fonda kon diolan aa: Mahanaim (kon co dimio ni aa «Dɔ́ɔ́ngɔ́la tiɔnndan»).

Fulaa 17:6

Ya Mɛlɛka yɛ, i co va isisi nɔm laci o pow kpovaa coo o pembei Horɛb. A tiiya pɛ lon, a lɔɔ pow kpova kon a tindaa. O kon, mɛnndan ma fulanin ndon, mì Israɛlla kpow a kol man.» Mí Moise tosa lende kaasoŋaa kɔlkalua Israɛlla o hɔl.

Tɔŋ miingua 1:19

«O kon kɔɔli, mí n faŋan o pembei Horɛb, mí n kei o lɛŋnde veselɛile bɛndu-bɛndule lueì len vana siòònde len nin, le niaa ce len pɛɛn. Mí n kɔa o tàndá n'pembu Amoriia nin maa mɛɛ Mɛlɛka Hala naa pila dimul naa yɛ. Mí n tiiya Kadɛs-Barnea.

Tɔŋ miingua 2:1

«O kon, mí n muungu a makɔɔ, mí n kɔa o lɛŋnde veselɛilen nin a kpengii mɛmma ihɛlma makpɛ̀ndɛ̀an ma co-e, maa mɛɛ Mɛlɛka dimul-la le tosaa yɛ. Mí n cii palɛi taw-taw, n va pembei Seir pilapilanndo.»