Tɔŋ miingua 1:15 - BII BILA

¹⁵ O kon mí cua vanaa va bolii lapangɛi o polama niaan coo-a, vanpiaandua kendu kɔl-la, á nɔ diola kɛndɛlan-nda, mí handu nda simlacia o kundala n'van vàá-vàálan, o kundala n'van kɛmɛ-kɛmɛlan, o kundala n'van beleŋuɛɛnu-beleŋuɛɛnulan a o kundala n'van tɔ́-tɔ́lan coo, mí siinguu nda vanaa toosiaa n'sɔɔa le polama niaan.

Tɔŋ miingua 1:15 Referans Kwoze

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

1Samiɛl 22:7

Mí Saul dimul buɛyaa ndɔa kan aa: «Niaa vanaa fula o polale Bɛnyamɛn-nden nin-nda, la yaŋ nilan! La nɔ o kɔl maa po Yisai-yo tiwba mo ke niaa kpow yondola valtan a nakɔla n'rɛsɛnndan? Niaa ca ko aa mò siinguu vana-vana simlacinɔɔ le n'van vàá pilɛ te kon te n'van kɛmɛ o niaa tɛɛn? Kɛì-kɛì bɛɛ!

1Samiɛl 17:18

Cua vɛlɛ cuɛima nɔnɔan man kpungban tɔ́, ma yoo simlacinɔ cɔw co kunda ndaa bollen-ndo. Mà kɔ tofa te bɛndaa nɔmnda co kɛndɛ. O kon, a bii ɲɔɔ pum nda o ba le tɔɔmaseloo, a hun cɔm ya tɔɔmasele kon.

1Samiɛl 8:12

A pum vanin bolle vanaa cɔwva vàá pilɛ, a pum yɛ nda vanin bolle vanaa cɔwva beleŋuɛɛnu. O cuanin a pum le ciɛɔn ndɔn vaa a le tɔlɔɔla ndɔlan kiɔndɔɔ. A tiŋ le ndu ɲɛm cɔwvon cowvo a le ndu ɲɛla ɲaanannda soa nan-ndan cowvo.

Kundalan 31:14

Mí Moise tuulu kɔl a vanaa cɔwva, a vanaa va kundala n'van vàá-vàálan a kundala n'van kɛmɛ-kɛmɛlan bolle-a, a va fulaa o cɔwvo-a pɛɛn.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

Kundalan 1:4

O lepola oo lepola coo, mì la cua vana co bolle pangalen-ndo o pilɛ le vali kon tosaa niaa ndaa.

Tɔŋ miingua 1:14

Mɛɛ ya dimi lende, mí la mulul-la maa sɔɛi ya tuu ken-nde co bɔɔ sɔɛi kɛndɛ.

Tɔŋ miingua 1:16

Tuma kon, mí dimul vanaa kialaa n'yamaa niaa kan aa: ‹La yaŋ nilan o kɔɔsɔla puapilɛa niaa ɲɛkɛndɛi, mì la kelu yamɛi sakpo le dɛnɛ yɔŋnun vanndo nda puapilɛ ndɔɔ, te kon te nda miallo tɛɛn-ndo.

Fulaa 24:1

Mí Mɛlɛka dimul Moise aa: «Cua Aarɔn, Nadab, Abihu a kaasoŋaa kɔlkalua n'van belaŋɔmmɛw o Israɛlla tɛɛn, mì la hel o ya Mɛlɛka lo o pembei coo, mì la sim kɔɔli-kɔɔli, mì la baŋ vulan ya o labɛngunin.