Tɔŋ miingua 1:11 - BII BILA

¹¹ Màá Mɛlɛka, Hala fuɲaa niaa mamaa vangala niaa vɛlɛ vaalan o vaalan nin, mì la kui taw-taw! Màá o dɔw niaa duaa mɛɛ o yiilu niaa kpemaa yɛ fɔ́!

Tɔŋ miingua 1:11 Referans Kwoze

Condii lisai 115:14

Màá Mɛlɛka tosa mì la kui, niaa a cuavaa niaa!

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

Kundalan 6:27

Lende vannda bɛnda ni ma piɛi ya le Israɛlla, o kon mì dɔw nda duaa.›»

2Samiɛl 24:3

Mí Yoab dimul ndu masaa aa: «Masaa, màá Mɛlɛka Hala nɔmndo kui vannda mò vangala nda bɛmbɔɔ kɛmɛ, mì nɔm vana ni bɛndoo pila ce nda a lehɔl! Kɛ nɔm yɛ, le yɛɛ nɛ n yeema yɛ le dɛnɔɔ ho tosaa?»

O Kandɔɔ 49:25

A toɲa, Hala fuɲa nɔm-ndo sɔɔnguunin nɔm ikɛi. Vana-Kpaayaa-Kpow dɔawnin nɔm duaa. Màá o tuisul nɔm piɔɔ fulaa coocoo, mò ke nɔm mɛnndan fulaa lɛŋ! Màá o ke nɔm cuawva a cɔlua taw-taw!

Kundalan 22:12

Kɛ mí Hala dimul Balaam aa: «Kɔa niaa ndaa le! Dɔaw vanaa kan danga le! Kani a cùù duaa dɔwnɔn.»

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

1Dɛnnda lemasalan 21:3

Mí Yoab mulul ndu aa: «Màá Mɛlɛka cɔɔlu vanaa nɔmnda kui ma va sɛ́lɛ́ háá kundalan kɛmɛ! Òó masaa, vana ni bɛndoo! Vɛ̀ɛ̀ o co vanaa nɔmaa baalaa le nda co kpow le? Le kɔlɔ yɛɛ nɔm vana ni bɛndoo yeema yɛ le sinaa mɛɛ nda co yɛ? O co Israɛlla le n co lueiyo o pɔwlan nin nuaa le?»

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Tɔŋ miingua 1:10

Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

Tɔŋ miingua 1:12

Ya pilɛ kpé, vɛ̀ɛ̀ ya nɔla yɛnin niaa hɔlla landɔɔ coo kpede? Vɛ̀ɛ̀ ya nɔla yɛnin mì toosiaa balahavɛila niaalan a sɛɛngiannda niaalan?

Tɔŋ miingua 10:22

Fuɲaa niaa mamaa kɔɛ lɔ́ɔ́ kon Esipte-a, à va n'van belaŋɔmmɛw daama, kɛ sisa Mɛlɛka Hala niaa vangala niaa mí la kui sɛ́lɛ́ bɛndoo maa loeon o halataala.»

Tɔŋ miingua 28:62

Niaa vanin haa sɛ́lɛ́ bɛndu-bɛndoo maa loeon o halataala-a, la dɔɔnannin mì la lo doolɛ. Kani la biinin diom Mɛlɛka Hala niaa le.

Esekiɛl 16:7

Mí vangala nɔm taw-taw, má kui maa billo yondoo nin, má can o boondei coo, má hindu, má naŋ naŋɔɔ pila. Mí mɛɛma nɔmndan má kiilian nɔm o ibuŋ, mí yiiŋii nɔmnde del kɛpuu-kɛpuu. Kɛ tum fondo fúú n va ni, a vannun kɔɔle fondo fúú.