Tɔŋ miingua 1:10 - BII BILA

¹⁰ Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

Tɔŋ miingua 1:10 Referans Kwoze

Tɔŋ miingua 10:22

Fuɲaa niaa mamaa kɔɛ lɔ́ɔ́ kon Esipte-a, à va n'van belaŋɔmmɛw daama, kɛ sisa Mɛlɛka Hala niaa vangala niaa mí la kui sɛ́lɛ́ bɛndoo maa loeon o halataala.»

Tɔŋ miingua 28:62

Niaa vanin haa sɛ́lɛ́ bɛndu-bɛndoo maa loeon o halataala-a, la dɔɔnannin mì la lo doolɛ. Kani la biinin diom Mɛlɛka Hala niaa le.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

Nehemi 9:23

Má ke nda cuawva sɛ́lɛ́ bɛndoo maa loeon o halataala. Má kɔa a nda o lɛŋnde Kanaan-nde nɔm óò vem fuɲaa ndaa mamaa le len hiɔlɔɔ len nin.

Kundalan 1:46

a va vaalan kɛmɛ leŋɔmpum a layàá a vannda kɛmɔɔ leŋuɛɛnu a beleŋuɛɛnu (603 550).

Fulaa 12:37

O kon, mí Israɛlla faŋan Ramsɛs ciee le kɔlan Sukɔt, a va vanpiaandua vaalan kɛmɛ leŋɔmpum, a cɔm cuaambɔa, vanlaandua a vanaa yuuvɛiya le.

1Dɛnnda lemasalan 27:23

David sɛva langbaa felengia áà nɔ vɔsilan bidiin-nda a langbaa áà tiiya vɔ bidiin te-a diolan te. Kani Mɛlɛka ndóò yii kpemaa le Israɛlla kuiyo maa loeon o halataala.

Kundalan 10:36

Te ndáà kɛsi pɛ kesu kalaa, ndóò dimi aa: «Mɛlɛka muungu kundala bɛndula Israɛlla ikɛi.»

Tɔŋ miingua 1:11

Màá Mɛlɛka, Hala fuɲaa niaa mamaa vangala niaa vɛlɛ vaalan o vaalan nin, mì la kui taw-taw! Màá o dɔw niaa duaa mɛɛ o yiilu niaa kpemaa yɛ fɔ́!

Tɔŋ miingua 7:7

«Holnɔn Mɛlɛka holnun niaa mó hɛli niaa-o, o co nuaa maa niaa le hiow vaa sɛ́lɛ́ a vanaa-mangalaa-isɔɔa tɔ̀a le. A toɲa, niaa hiow dɔɔnanndo a vanaa tɔ̀a ni,

Tɔŋ miingua 26:5

O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

Condii lisai 107:38

Mò dɔw nda ndua, mà kui taw-taw, cɔlua ndaa faŋan lecoo le.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

Esekiɛl 16:7

Mí vangala nɔm taw-taw, má kui maa billo yondoo nin, má can o boondei coo, má hindu, má naŋ naŋɔɔ pila. Mí mɛɛma nɔmndan má kiilian nɔm o ibuŋ, mí yiiŋii nɔmnde del kɛpuu-kɛpuu. Kɛ tum fondo fúú n va ni, a vannun kɔɔle fondo fúú.