Tɔŋ miingua 1:1 - BII BILA

¹ Sɔɔn mun Moise dimul Israɛlla kpow o peo Yurdɛn leeloo, o lɛŋnde veselɛilen nin ni. A va vɔ o dɛɛla co Suf o hɔl-ndɔ-o nin, Paran a Tofɛl tɛɛn, Laban, Haserɔt a Di-Sahab tɛɛn.

Tɔŋ miingua 1:1 Referans Kwoze

1Samiɛl 25:1

A boondii ken, mí Samiɛl vu. Mí Israɛlla kpow a cuungian le biisi ndɔɔ tosaa, má kumbu ndu o ndu lo Rama. O kon kɔɔli, mí David can, mó tuusu o lɛŋnde veselɛilen Paran nin.

Yosue 22:7

Mí Moise yɔngu yungula fula o polale tálále Manase len nin-ndan lɛŋnden Basan, mó yɔngu polale tálále diinndɔle Manase len lɛŋnden puapilɛa ndaa ikɛi, Yurdɛn leeloo a ba paalen le can-ndo. O kon mó dɔaw nda duaa, mó dimi aa: «La muungu o cɛila-kolala-toandaala niaalan nin a bolofaa bɛndu niaa sɔla-o: cɔlua, volion, sianion, daɲan, cilinndon a volɔɔla cuɛinanndan. La piɔvan ɲɛm niaa poondiaa yaamɔaa niaa o ba-on niaa puapilɛa niaa.»

Yosue 22:4

Pɛngi Mɛlɛka Hala niaa ndóò yiilu puapilɛa niaa kpemaa le nda yɔngoo-o, o cii nda ndu yɔngu. Lelan, la muungu niko o cɛila-kolala-toandaala niaalan nin, o lɛŋnde niaa sɔla len nin, le Moise vana baala Mɛlɛka-o yɔngu niaa Yurdɛn leeloo len pɛɛn.

Yosue 9:10

n sina vɛlɛ ɲɛ o tosa a masaa ŋiɔŋaa Amoriaa va o peo Yurdɛn leeloo-a-o, Sihon va masaa Hɛsbɔn-ndo a Ɔk va masaa Basan-ndo, ó va icali Astarɔt-o pɛɛn.

Yosue 9:1

Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

Tɔŋ miingua 33:2

Mó dimi aa: «Mɛlɛka cɛn Sinai mó hun. O cɛn isisi nda coo Seir, o soli pangeloo cɔnɔnndo o pembei Paran, o tiiya o vanaa ndɔa lo a mɛlɛkaa diandaa taw-taw, a ba ndɔ kɛndɔɔ, mó yɔŋ nda tɔŋndo maa leyin.

Kundalan 35:14

Layaa la co va Yurdɛn leeloo nanu, mì layàá la va o lɛŋnde Kanaan-nden nin.

Kundalan 34:15

Polama miɔmma man a polale tálále len, man ma cii kɛ́ nda lelɛŋndo sɔla o peo Yurdɛn leeloo nanu, Yeriko o hɔl-ndɔ, a ba paalen le can-ndo.»

Kundalan 32:32

N co ɲɛm cɔwvon cua mì n taŋ Mɛlɛka o hɔl le cɔwvo tosaa o lɛŋnde Kanaan-nden nin, kɛ lɛŋnde naa n loonin kɛ́ɔ len le co va Yurdɛn leeloo nanu.»

Kundalan 32:19

Kɛ naa n bɛnda lɛ mi n sɔla kɛ́ lelɛŋ Yurdɛn leeloo a laci le, kani naa n co lɛŋnden a yondolan sɔla Yurdɛn leeloo nanu, a ba paalen le can-ndo.»

Kundalan 32:5

Má cɔɔlu vɛlɛ dimi aa: «Lelan, mɛɛ n ce naa ɲia yɛ, yɔngu naa lɛŋnde len mì le lo le naa, tɛ́ɛ́ngùù naa Yurdɛn leeloo le yandi.»

Kundalan 13:3

O kon, mí Moise viam vannda cɔnɔnndo nɛɛ nda va icali o lɛŋnde veselɛilen Paran nin-nda, mɛɛ Mɛlɛka ndóò dimul ndu yɛ. Nda kpow simlacia Israɛlla nda va ni.

Kundalan 12:16

O kon kɔɔli, má faŋan o fonda kon Haserɔt lon, má kɔ kila dɔ́ɔ́ngɔ́ɔ̀ o lɛŋnde veselɛilen Paran nin.

Kundalan 11:35

Mɛɛ nda cɛn Kibrɔt-Hataava, má bii nɛiyo le kɔlan Haserɔt, má kɔ kila dɔ́ɔ́ngɔ́ɔ̀ lon.

Kundalan 10:12

O kon, mí Israɛlla faŋan o lɛŋnde veselɛilen Sinai nin, má bii kɔlan o pɔm-pɔmbɔ. Mí kumnde kɔ sim o lɛŋnde veselɛilen Paran nin.

O Kandɔɔ 21:21

Mó kɔ cal o lɛŋnde veselɛilen Paran nin. Mí kala ndɔ yil ndu lanɔɔ fulaa o lɛŋnde Esipte len nin.

Kundalan 13:26

Má komal Moise, Aarɔn a Israɛlla kpow nɛɛ nda va icali o lɛŋnde veselɛilen Paran nin Kadɛs-a, má downun nda kona, má cɔm nda kɔmnde tɔlɔɔla co o lɛŋnde len nin-ndan.

Habakuk 3:3

Hala co fulaa Teman mò va hunɔɔ. O-Diandaa co fulaa o pembei Paran coo mò va hunɔɔ. Bɔɔbɔɔyɛi ndɔɛi tiw o halataala sɔ́ mí lɛŋnden le pia a biilu ndɔɔ.

Kundalan 33:20

má faŋan ndon, má kɔa Libna.

Tɔŋ miingua 2:8

Le hee, mí n kpakpala puapilɛa naa, cuavaa-imamaa Esau-va pɛɛn, á co icali o tàndá Seir-o nin-nda, mí n keinun lándán. Mí n kei a nɛi bóllo Araba, o cɛn Eilat a Ɛsiɔn-Kebɛr-o. Kɔlan lándán, mí n faŋan o nɛi kon coo, mí n del o nɛi kɔɛ a lɛŋnde veselɛilen Moab-o coo.

Tɔŋ miingua 4:46

Tuma ndáà kila dɔ́ɔ́ngɔ́ɔ̀ Yurdɛn leeloo a ba paalen le can-ndo-o, o dɛɛlaa nin Bɛt-Peɔr o hɔl-ndɔ, o tàndá masaa Sihon-ndo nin o dimul nda sɔɔn mun ni. Masa Amoriaa kan va icali Hɛsbɔn ni, kɛ mí Moise a Israɛlla a nɔla ndu telen nda cɛn Esipte-o.

Yosue 3:16

mí mɛmma va cɔnɔnndo a ba luaŋ-ndo-an ma sim, mí ma cuungian nɛɛ pilɛ nɛɛ levil o kobio Adam ikɛi, o co Sartan ikɛi-yo pɛɛn. Mí ma va tuusoo-an man ma va kɔlan delɔɔ o mɛmma va o bóllo Araba nin-ndan coo, mɛmma hɛlii bɛnduan pɛɛn, mí ma kiolu kpali. O kon mí Israɛlla taŋ Yurdɛn o kobio Yeriko hɔl-ndɔ.

1Masaa 11:18

Má can Madian, má kei Paran, má bii vannda pum ndon, má hiaw a nda o Faraɔnnɔɔ lo, masaa Esipte pɛɛn. Mí masa kon ke Hadad cɛiyo, mó va ndu baloo dɔvɔɔ, mó ke vɛlɛ ndu yondoo.

Kundalan 33:21

Mɛɛ nda cɛn Libna, má kɔa Risa,

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 27:1

Mí Moise nda kaasoŋaa kɔlkalua Israɛlla yɔngu vannda silalan ndan, mí Moise dimul nda aa: «La bii tɔŋnda ya co niaa hau yɔngoo lan kpow.

Tɔŋ miingua 29:1

Mí Moise cuungiaa Israɛlla kpow, mó dimul nda aa: «Niaa pila ce mɔnɛ Mɛlɛka soli a Esiptea-o, la ce ɲɛ o tosal masaa Esipte, vanaa bɛndua va ndu o ba bɛngu-a a lɛŋnde ndɔlen kpow yɛ.

Tɔŋ miingua 31:1

Mí Moise kɔa vɛlɛ, mó kɔ soaa sɔɔn mun o Israɛlla kpow lo, mó dimul nda aa: