Daniɛl 9:8 - BII BILA

⁸ Lende ni Mɛlɛka! Naa siɛmbulan la bii ni: naa pila, masaa naa, simlacia naa a fuɲaa naa mamaa. Kani n cua hakio a nɔm.

Daniɛl 9:8 Referans Kwoze

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

2Masaa 21:15

Kani a kela kela kɛndɛ ya o hɔl te, a pɛngi ya kɔllo tɛɛmbuuo kandɔɔ telen ya soli fuɲaa ndaa mamaa Esipte-o háá paalen nden te.»

2Dɛnnda lemasalan 6:37

taa kɔ mangala pɛ yiyanndan o lɛŋnde nda kɔanin a nda o biyɔɔ nin-nden nin, mà sɔlɔlan yɔŋ nda vɔɔndo, mà piɛi nɔm, mà dimi aa: ‹N cua hakio, n yɔŋnun vanaa vɔɔn, n tosa dɛnnda vɔɔnndan›,

Nehemi 1:6

Sisa, tofa ya vana nɔm baalaa, ma yaŋ nilan, ma tuei piɛile ya co nɔm idii a icɔl-ten. I co nɔm piɛiyo le vanaa nɔmaa baalaa, Israɛlla pɛɛn, le hakila nda cua a nɔm-ndan sɔlɔlanndo nɔm o hɔl. Yungu nuu a ya pila, n cua hakio a nɔm,

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.