Daniɛl 9:7 - BII BILA

⁷ Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Daniɛl 9:7 Referans Kwoze

Daniɛl 9:14

Lelan, nɔm Mɛlɛka, má tuisi naa dɛnɛ palaa coo. Kani a sandu o dɛnnda n tosa lan kpow nin, kɛ naa, n bii diom nɔmndo le, nɔm Hala naa pɛɛn.

Daniɛl 9:8

Lende ni Mɛlɛka! Naa siɛmbulan la bii ni: naa pila, masaa naa, simlacia naa a fuɲaa naa mamaa. Kani n cua hakio a nɔm.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Condii lisai 44:15

Vanaa-mangalaa-isɔɔa co talelan dimio a naa o kɔɔ, a co naa mamɔɔ ma va bolle hiiloo.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Amɔs 9:9

Kani tofa vɔ, ɲɛ ya dimi le tosaa-o co hoo ni: i hiiluunin cuavaa Israɛlla o vanaa-mangalaa-isɔaa tɔ̀a tɛɛn, mɛɛ vana cacu ɲɔɔ a tɛmɔɔ nuaa yɛ. O kon, hali kulii pɔmbɔɛi i pilɛ i del lɛŋ te.

Esekiɛl 36:31

O kon, la loonunnin a kela niaa vɔɔndo, a dɛnnda niaala va lavɔɔn paandu lan. La nɔlanin hɔlla tofanndo vellaa-velle le, kon yɛ le yɔŋnda vɔɔnda niaalan a le kela niaa vɔɔndo.

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

Esai 45:16

Siɛmbulan la bii vanaa cɔavaa n'piɔmnda ma yɔŋnun laasi-laasi, a co kɔnndan a bɛ̀ɛ̀la nda tambu lan mɔ́ɔ̀yɔ̀ɔ̀.

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Condii lisai 119:137

Éé Mɛlɛka! A sandu, tɔŋnda nɔmndan bɛɛ la sandu.

Condii lisai 51:14

Mingi ya ɲaale vana sɔla o cinda nɔmndo nin-ndo o kɔl, mì yiyan yeemɛi kɛndɔɔ sim ya mayoomu.

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

Nehemi 9:33

O dɛnnda tosalan naa lan kpow nin, má yɔŋnun vana sandaa, má lo o lediom coo, kɛ naa n yɔŋnun vanaa lo o lediom coo le.

Ɛsdras 9:13

Éé Hala naa! Dɛnnda palaalan ndan la komal naa fúú le, kela naa vɔɔndo a tɛɛmbuula naala bɛndulan la cuu naa ndu ni. A kon kpede a saangiaa naa mɛɛ hakila naalan la co yɛ le, má mɛi naa yoomu.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Ɛsdras 9:15

Mɛlɛka, Hala Israɛlla, vana sandaa n co ni. Lelan naa pumnda n co hau yoomu nuaa ni. Má cè naa nɔm o hɔl nanu a hakila naalan! Nduyɛ vana-vana bɛnda mò va nɔm o hɔl lende le.›»

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.

Daniɛl 9:18

Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Yeremi 4:17

A balu Yerusalɛm pindo mɛɛ vannda balu bungɛi cumullo yɛ. Kani o simul-l›. Sɔɛi fula Mɛlɛka o sondo-e co ken ni.

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Esekiɛl 5:10

Lelan, fuɲaa sɔamnin poaa ndaa niaa tɛɛn, poaa bɛɛ sɔamnin fuɲaa ndaa. I kilulnin niaa yaman nun mì tuisi niaa sangalan coo. I saŋnin vanaa lonin yoomu o niaa tɛɛn-nda kpow o hoeyun vanin hɔŋndo nɛɛ-nɛɛ ka-on nin.