Daniɛl 9:5 - BII BILA

⁵ N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

Daniɛl 9:5 Referans Kwoze

Malasi 3:7

Kaandɔɔ o paale fuɲaa niaa mamaa, la mal silala nilan. La cɛl le lan biyɔɔ le few. La muungu ya o ibuŋ mì ya bɛɛ mulul niaa hɔlla. Ya Mɛlɛka-Nɔ-Kpaayaa-Kpow-vo dimi lende ni. Kɛ la co dimio aa: ‹Vɛɛ nɛ naa n muungu yɛ nɔm o ibuŋ.›

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Daniɛl 9:15

Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.

Hebreea 3:12

Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Esekiɛl 6:9

O kon, vanaa lonin kan yoomu o niaa tɛɛn-nda lonin o vanaa-mangalaa-isɔaa nda vanin a sɛŋian tɛɛn-nda lo, mà loonun a ya (Mɛlɛka) o kɔɔ, mà loonun vɛlɛ a soŋɔ̀ɔ̀ ya soŋ nda le kɔl suundɛi luɛi nda nin má kɔa ya levil-lo, le hɔlaa nda faŋal-la, má mulin o suunda soolaa n'piɔmndo-o. Le hee, siɛmbulan la biinin nda pila le dɛnnda vɔɔnnda nda tosa lan a le dɛnnda nɔɔlɛila nda tosa lan kpede.

Cɛɛŋɔnnda Yeremi lan 1:20

Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Condii lisai 18:21

Mɛɛ kela ni sandaa co yɛ, lende Mɛlɛka tosal-la ni, mɛɛ bala nilan la dendu yɛ, lende o dɔw ya vɔ̀ngɔ̀ ni.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Condii lisai 119:102

I co tɔŋnda nɔmndan malɔɔ le, kani nɔm pɛɛku ya lan ni.

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

Condii lisai 119:176

I co kelanndo maa saa lo-o, nuwviaa ya, ya vana baala nɔmndo, kani i co tɔŋnda nɔmndan pɔɛɛnɔn te.

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

2Masaa 18:12

Kon tosan le tùú nda yeŋ Mɛlɛka Hala ndaa lani loo, le tùú nda tɛɛmbuu kpema ndɔɔ má kɛɛ le nilan yaŋɔɔ o sɔɛi ndɔɛi-yo a le tùú nda kɛɛ vɛlɛ le kelaa lecoo-o, sɔɛi ken pɛɛn, i Mɛlɛka ndóò dimul Moise vana ndɔ baalaa-e.

2Masaa 21:15

Kani a kela kela kɛndɛ ya o hɔl te, a pɛngi ya kɔllo tɛɛmbuuo kandɔɔ telen ya soli fuɲaa ndaa mamaa Esipte-o háá paalen nden te.»

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Yeremi 30:14

Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.