Daniɛl 9:4 - BII BILA

⁴ Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Daniɛl 9:4 Referans Kwoze

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Fulaa 20:6

Kɛ vanaa kaola ya má bii tɔŋnda nilan-nda, i lo nda kɛndɛi tosallo háá o lambi vaa pilɛndɔɔ.

Tɔŋ miingua 5:10

Kɛ vanaa kaola ya má bii tɔŋnda nilan-nda, i lo nda kɛndɛi tosallo háá o lambi vaa pilɛndɔɔ.

2Dɛnnda lemasalan 7:14

te vanaa nia diola nilan la co piɔlnɔnndo coo-a tuisin pɛ tootoo, mà piɛi, mà nuwviaa ya, taa mangala pɛ kela nda vɔɔndo, ya Mɛlɛka, i lonin o halataala mì mulul nda piɛilen, mì mal nda haki le haki ndaa, mì singi lɛŋnde ndalen.

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

Tɔŋ miingua 7:9

Lelan, la sina pɛngu maa Mɛlɛka Hala niaa, ndu pilɛ kpé co Hala kpeekpeiyo ni, Hala lo o lediom coo-o, Hala lo o kpema ndɔɔ coo-o, ó tosal vanaa kaola ndu má bii tɔŋnda ndɔlan-nda kɛndɛi háá o lambi vàá pilɛ ndɔɔ,

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Tɔŋ miingua 7:21

La yɔŋ isiòòn mì la ɲiiya nda o hɔl te, kani Mɛlɛka Hala niaa, o co niaa tɛɛn-ndo, Hala bɛndoo a kpúlúnkùmaa o co ni.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Nehemi 1:5

Mí dimi aa: «Éé Mɛlɛka! Nɔm Hala co o halataala-o, Hala bɛndoo a Kpúlúnkùmaa, nɔm Vana yii kpemaa má o lo o lediom coo a vanaa kaola nɔm, má va silala nɔmndan biyɔɔ-a-o!

Ɛsdras 10:1

Telen Ɛsdras va kon vula baŋaa o Cɛi-Hala-o hɔl-ndɔ, mó va Hala piɛiyo a hakilan sɔlɔnndo a caŋndo-o, mí Israɛlla cuungian sɛ́lɛ́ bɛndoo ndu ikɛi: vanpiaandua, vanlaandua a cuaambɔa. Mí nda kpow a va caŋndo fúkpàà-fùkpàà.

Daniɛl 6:10

O kon, mí masaa Darius handu baa o tɔŋ yiinun kon-ndo coo.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Tɔŋ miingua 7:12

Te la yaŋ pɛ nilan o tɔŋndan ndan, te la bii pɛ lan mì la kela lecoo, Mɛlɛka Hala niaa peelunin kpema o yiilu fuɲaa niaa mamaa mó mɛnalan nda le lou o lediom coo-o.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!