Daniɛl 9:3 - BII BILA

³ O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Daniɛl 9:3 Referans Kwoze

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Ɛsdras 9:5

«Tuma solia sálà paale delaa tiiyaa, doma ni pɔmbɔɔ a doma ni bɛndoo va ya lekɔɔ lasɛɛsiɛilan, mí can a mɔnɛi lende, mí baŋ vulan, mí heelu balan o Mɛlɛka Hala nuu lo.

Ɛsdras 10:6

Mí Ɛsdras faŋan o Cɛi-Hala-o sondoo, mó kɔa o Yohanan po Eliasib-o lo cɛinin. Kɛ má kɛɛ le ɲɛ-ɲɛ dioo a le kolɔɔ, kani mɔnɛi va ndu taw le dɛnɛ vɔɔn bɛndu vanaa fula kan o biyɔɔ nin-nda tosa-o.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Dɛnnda kiilaa 10:30

Mí Kɔrnɛil muli aa: «O co nihau palɛi ihiɔɔlu, i va Hala piɛiyo o ya lo cɛinin o telen pilɔɔ hoo, o lɛɛlɛ yàándɔɔ a paale yɔngannden. Mí vanndo pum cɔmnun ya a volɔɔla ŋɛlɛngi-ŋɛlɛngi lan lekɔɔ o lepilɔɔ, mó dimul-la aa:

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Condii lisai 35:13

Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.

Daniɛl 6:10

O kon, mí masaa Darius handu baa o tɔŋ yiinun kon-ndo coo.

Nehemi 9:1

O paale bidiin a lehiɔɔlundɔlen coo o paangii pilɛi ken nin, mí Israɛlla cuungian le sumndo biyɔɔ. Má vownun volɔɔla yuululan, má suinun vɛlɛ loolio o lebol.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Daniɛl 9:4

Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Yonas 3:5

Mí vannda Ninive laalan diom Hala-o. Má hivi yondaa, mí vana-vana bii sumndo, vanaa bolofaa, vanaa bala fondoa, mí nda kpow a vownun volɔɔla dɛnɛ palaalan.

2Samiɛl 12:16

Mí David tɛɛlun Hala le poombɔ kon, mó va sumndo biyɔɔ. Tuma o muungu o ndu lo cɛinin-ndo, mó lɔl pii ihini lɛŋ.

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Matie 17:21

Kɛ ɲina vɔɔn vaa nuaa nɔla vanndo faŋan kɔɔli le, te o co a piɛilen a á sumndo biyɔɔ le.»