Daniɛl 9:27 - BII BILA

²⁷ O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Daniɛl 9:27 Referans Kwoze

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

Luke 21:20

«Telen niaa canin mì vanaa cɔwva balu Yerusalɛm-ndo, la sinanin o kon maa tambii ndɔɛi sɔɔnguu.

Daniɛl 12:11

Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 8:13

Mí tuɛi vana diandaa sɔɛi, mí vana diandaa celen ɲuna o va sɔɛi-yo aa: «Vɛ̀ɛ̀ kpɛ́ dɛnnda cɔmnun-ndan o vundulen nin-ndan la viaw yɛnin? Háá telen kuɛɛ sálà solin lepalaa-lepala-o lo yɛnin faŋanndo? Háá lɔ́ɔ́ kuɛɛ dɛnɛ vɔɔn bɛndu kon lo yɛnin tosanndo o cɛi-kola-toandaa diandaa nin, mì kunda mɛlɛkaa cɔwva lo nɛwnɔnndo a labɛngu?»

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Rɔmnda 5:15

Kɛ vana tuu tɛɛmbuu vanacieo a ke Hala-o le. I co toɲa maa vanaa bɔɔ-bɔɔ vi le tɛɛmbuu vana pilɛ kon, kɛ kɛndɛi Hala-e ndi hiow polon. Kɛndɛi o tosal vanndacieea fondo fúú o vanacieo ndu pilɛ nin-nde, o co Yeesu Krista-o pɛɛn, ndi tol vanaa bɔɔ-bɔɔ coo ni.

Matie 27:51

O telen kon, mí kola landaa va o Cɛi-Hala-o nin-ndo can a tɛndaa coocoo háá mó tiiya lebɛngu di, mí lɛŋnden le ɲiiya, mí powtan la tɛɛndiaa,

Matie 26:28

kooma nian ma co man ni, kooma kpema-an, ma fula le vannda taw hakio malɔɔ-an.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Esai 42:6

«Ya Mɛlɛka, i veelu nɔm o dɛnɛ sandaa nin, i saanin nɔm baa mì kanda nɔm. I kɛsinin nɔm le kpema ya yii a vannda ha-o vaa hɔlten, le vaa ɲɛ-tengaa vanaa-mangalaa-isɔɔa,

Esai 28:22

Lelan sunsun, la pɛngi vannda mamɔɔ, yɔŋii yɔlɔn nda yii niaa-on ŋɔwnun peŋ, kani i cuu kiolɔn le lɛŋnden kpow tambei. Maalii, Mɛlɛka-Nɔ-Kpaayaa-Kpow-vo o sondo ya tuei ndi ni.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Rɔmnda 11:26

O kon mí Israɛlla kpow a sɔla cindaa maa mɛɛ o sɛvan yɛ aa: «Vana baŋaa fulanin Siɔn, mò ɲindu vanaa tosaa dɛnnda vɔɔŋaa co o cuavaa-imamaa Yakɔb-a tɛɛn-nda ikɛi.

Rɔmnda 5:19

Le sɔɛi biyɛi lepɛŋii vanndo ndu pilɛ, mí vanaa bɔɔ-bɔɔ a siŋnun vanaa lahakia. Lende vɛlɛ koni, le sɔɛi biyɛi vanndo ndu pilɛ, mí vanaa bɔɔ-bɔɔ a siŋnun vanaa sandaa Hala o hɔl.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Yeremi 7:30

Le tùú vannda Yuda tosa ɲɛ bɛnda ya Mɛlɛka o hɔl too, sɔɛi fula Mɛlɛka o sondo-e co hee ni aa: A luei dɛnnda ndala nɔɔlɛilan o cɛi ni diola nilan la co veelɔnndo nin-ndo nin, le ndu nɔɔliaa.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Esai 28:15

La co dimio aa: «N yii kpemaa a piɔ́mndo, n cii cɛlan diom a ciee-piɔ́m, hali kpundɛ bɛndoo del bɛɛ, o komalnin naa le. Kani nɛɛ viannaŋaa naa co vanafondoyɛi ni, yasabaa naa n yifan nin-ndo co còòlan ni.»

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.