Daniɛl 9:26 - BII BILA

²⁶ O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Daniɛl 9:26 Referans Kwoze

Nahum 1:8

tuma kpundɔɔ hun maa mɛmma hunaa-o. Kɛ o toaw yaamɔaa ndɔa o ɲumma piɔ́mndan nin, mò tɛɛmbuu nda kpede.»

Esai 53:8

Má bii ndu a kɔlvesɛiyo, má kɔɔsal ndu, o vanaa nda va telen kon-nda tɛɛn, nɛ̀ɛ́-nɛ̀ buulan yɛ le faŋa ndáà faŋa ndu o lɛŋnde vanaa kiyɛiya coo-o? Nduyɛ, a dii ndu le yɔŋnda vɔɔnda vanaa niaa a le kpundɛ óò del nda coo-o.

Marke 13:2

Mí Yeesu mulul ndu aa: «A ce tangulta bɛndulan ndan te? Powvo pilɛ bɛɛ lonin o powvo coo le, la co hunɔɔ koombiaa kpow.»

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Luke 24:26

Mɛɛ mì Krista ndóò sanga o dɛnnda lan nin kpow lende lɔ́ɔ́ pá mì ndóò luɛi o biilu ndɔɔ nin.»

Marke 9:12

Mó mulul nda aa: «Kani Elii co fɔlɔn hunɔɔ, mò mingi dɛnndan kpow o fonda ndɔɔ. Vɛ̀ɛ̀ o co yɛ o sɛvaa a Po vanacieo o kɔɔ, o co hunɔɔ, mò sanga taw, mì vannda ce ndu vana fondoo-o?

Matie 24:2

Kɛ mó dimul nda aa: «La ce mɛɛ o co kpede yɛ le? I co niaa toɲaa dimul, powvo pilɛ bɛɛ lonin o powvo coo le, la co koombiaa kpow.»

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Daniɛl 11:10

Cuavaa masaa a ba luaŋ-ndo a bɛɛndiannin le cɔwvo. Mà cuungiaa vanaa cɔwva taw, mà sɔɔnguu, mà coŋ nda coo maa mɛmma hunaa. A luɛinin ma del ndu coo a cɔwvo háá o kobi nda kunga a kpakio-o nin.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Esai 8:7

lelan la canin, Maalii co nda mɛmma pee bɛnduan, mɛmma kpaayama bɛnduan hulɔɔ coo. Mɛmma man ma co masaa Asiri a kpaaya ndɔɔ kpow ni. Ma fulanin o pee kɔ́llo mì ma hel o kɔngɔlan kpow coo.

1Piɛr 2:21

Le ken kpeekpei niaa sɔla veeloo ni, kani Krista bɛɛ sanga le niaa mó mel niaa tɔɔmaseloo haliko mi la dem foofola ndɔlan.

Nsaŋ 14:30

I suu lɛnin sɔɔn bɔɔ o niaa lo le, kani vana co masalen tosaa o ceendo ho coo-o co hunɔɔ. O nɔ kpaaya ya coo le.

Luke 24:46

Mó dimul nda aa: «Ɲɛ co o sɛvaa lenin-ndo co hoo ni aa: Krista co hunɔɔ sanga, mò tendul fulaa vanvílɛ́iya tɛɛn o paale yàándɔlen,

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Marke 13:7

Tuma niaa tuɛinin sɔɔn cɔwvon a ɲiimu-ɲiimu lacɔwvo-o, la láásiàn kɔltan te. Kani fɔ mì ken tosan, kɛ o ve vɔnin lamɛɛlu le la vanin ndan te.

Matie 22:7

Mí masaa tuulu kɔl, mó viam vanaa ndɔa cɔwva, má kɔ diw vanaa diuvaa kan, má loam kobi ndaa.

Matie 22:2

«Masale halataala len le co maa masa yaw ɲɛdiaa kafoo le lanɔ sɛnɛi po ndɔɔ-o.

Amɔs 9:5

Maalii, Mɛlɛka-Nɔ-Kpaayaa-Kpow-vo co lɛŋnden pilanndo mi le va tengaa mɛɛyɛɛ. Vanaa co icali o lɛŋnde kalalen nin-nda kpow, a co o dɛnɛ palaa nin. Lɛŋnden kpow le co helɔɔ cɔfuu maa mɛnndan Nil o peelo. Le co vɛlɛ tolɔɔ maa peo Nil, o co Esipte-o.

Amɔs 8:8

Le hee, lɛŋnden le hiilunnin, mì dɛnɛ palaa tol vanaa co icali lenin-nda coo. Lɛŋnden le dɔawnunnin yɛɛvɛ, mì le hel fúkɛ̀-fùkɛ̀ mɛɛ pee bɛndoo Nil hun nuaa, mì mɛnndan ma fula fasaka-fasaka yɛ. Le biiŋun pɛ lende, le toalnin vɛlɛ maa mɛnndan o peo bɛndu kon Esipte.

Osee 1:9

Mí Mɛlɛka dimul Osee aa: «Ke ndu diolan aa Lo-Ammi (kon co dimio ni aa «Co-Yungu-Ni-Le»). Kani niaa Israɛlla, la co lɛ yungu ni le, ya bɛɛ, i ve lɛnin ɲɛ-ɲɛ niaa le.»

Yeremi 46:7

Nɛ̀ɛ́ co yɛ maa mɛmma hunan o peo Nil, pee mɛmma ndɔan ma ŋol kon-ndo?

Condii lisai 22:15

I co saŋnɔnndo maa mamɛn, paalan la faŋan ya o boondon. Kɔllo siŋnun ya maa dukpa, o co ya tengaa nin.

Luke 21:6

«Paale vanin, powvo pilɛ bɛɛ lonin o powvo coo o ɲɛ-ɲɛ niaa co hoo cɔu-vo nin te, la co hunɔɔ koombiaa kpow.»

Matie 23:38

Lelan, cɛi niaa lonin fondo fúú.

Daniɛl 11:17

O yiyannin le hunɔɔ a kpaaya ndɔ lemasaa kpow, mò yii kpemaa nda masa co a ba too-o. O yɔngunin masa co a ba too-o lanɔɔ haliko mó tiw ndu ba. Kɛ o nɔlanin te, kɔlkalu ndɔ kon malanin ndu le.

Yeremi 51:42

Mɛmma ihɛllan ma kumbu Babilɔn, mɛnndan biiŋɔnndo o lepilɔɔ kpé, mì ma kumbu ndu.

Daniɛl 11:22

Kunda vanaa cɔw súú-súù nɔlanin ndu le. O fukpanin vanaa cɔwva háá mò yimiyimi nda, mò dii vana co bolle kpemaa-o.

2Samiɛl 21:5

Mí Kabaɔnnda mulul ndu aa: «Saul ndóò yeema le naa ciiyo few, mì ndóò diw naa kpow, hali vana pilɛ ndóò mɛinin yoomu o naa tɛɛn o lɛŋnde Israɛl-ten nin te.

Esai 28:2

Kani tofa vɔ, Maalii nɔ langbanɔ mayoomu nɔ kpaayaa-o o ba, kpaaya ndɔɔ co maa piɔɔ loeon deliaa, maa hoeyii fùkù-fùkùi tɛɛmbuu ɲɔɔn-nde, maa piɔɔ hoeyii bɛndu tosa mi mɛnndan ma pɛ o peela pɔmbɔlan, mi ma va ɲindɔɔ taw-ve. O ɲindunin mɔsil lemasa kon lɛŋ dí a kɔltuwvo.

Esai 28:22

Lelan sunsun, la pɛngi vannda mamɔɔ, yɔŋii yɔlɔn nda yii niaa-on ŋɔwnun peŋ, kani i cuu kiolɔn le lɛŋnden kpow tambei. Maalii, Mɛlɛka-Nɔ-Kpaayaa-Kpow-vo o sondo ya tuei ndi ni.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.