Daniɛl 9:25 - BII BILA

²⁵ Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Daniɛl 9:25 Referans Kwoze

Ɛsdras 4:24

Kandɔɔ ɲinkon, baala tangulaa Cɛi-Hala kon tosan ndɛ le, mó lo lende háá o vɔsi diinndɔɔ nin o masale Darius masa Pɛrsea len bɛngu.

Nsaŋ 4:25

Mí vuɛɛndo dimul ndu aa: «I sina maa vana Mɛlɛka hɛli-o co hunɔɔ, Krista pɛɛn. Telen o hunnin-ndo, o tɛɛsialnin naa dɛnndan kpow.»

Nsaŋ 1:41

Vana tase o komal-lo va Simɔn Piɛr puapilɛ ndɔ ni. Mó dimul ndu aa: «N saalun Vana Hala vem-ndo, Krista pɛɛn!»

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Nehemi 6:15

Mí kpakio cuu cɔvɔɔ o paangii Elul nin, o paale bidiin a leŋuɛɛnundɔlen coo. O palɛi beleŋuɛɛnu a iŋiin bɛngu o cɔwnun ni.

Nehemi 4:8

Yáà ciiyo sɔɔn mun mɛɛdianndo kpow, mí dimul vanaa bɛndua, vanaa kialaa n'yamaa a vanaa tɔ̀a kpow aa: ‹Siòòŋii bii niaa a nda le! La loonun maa Mɛlɛka co o bɔɔ, ndu co kpúlúnkùmaa ni. La cɔlɔba le puapilɛa niaa, le poaa niaa, le cuavaa niaa laandua, le laandaa niaa a le cɛila niaalan.›

Nehemi 3:1

O kon mí Eliasib bolle vanaa-solia-lasálàá nda puapilɛa ndɔa vanaa-solia-lasálàá can, má tangul Dio-n'saa, má sɔaa ndu Hala o ba, má luei ndu koŋndan. Má sɔaa vɛlɛ kpakio Hala o ba kandɔɔ o cɛi coocoo Lakɛmɔɔ háá o cɛi coocoo Hananeɛl.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Dɛnnda kiilaa 3:15

Mí la tosa, má dii vana nɔ yoomoo o ba-o, kɛ mí Hala mingi ndu yoomu fulaa vanvílɛ́iya tɛɛn. Naa n co seiya ni.

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

Daniɛl 8:11

Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.

Condii lisai 71:10

Kani yaamɔaa nia co kɔngɔlanndo, vanaa co ya mɛngɛlaa-a co cɛlanndo.

Ɛsdras 7:8

Mí Ɛsdras kɔa nda ndaa latulu Yerusalɛm o paangii ŋuɛɛnundɔɛi nin.

Ɛsdras 7:1

O dɛnnda lan kɔɔli, telen Artasɛrsɛs masa Pɛrsea va o masalen coo-o, mí langbanɔɔ pum fula Babilɔn diolan ndu aa Ɛsdras, po Seraya-o o va ni, fulaa o polale Aarɔn bolle vanaa-solia-lasálàá len nin. Aarɔn velu Eleasar ni, mí Eleasar vialu Pineas, mí Pineas vialu Abisua, mí Abisua vialu Buki, mí Buki vialu Usi, mí Usi vialu Seraya, mí Seraya vialu Merayɔt, mí Merayɔt vialu Asaria, mí Asaria vialu Amaria, mí Amaria vialu Ahitub, mí Ahitub vialu Sadɔk, mí Sadɔk vialu Salum, mí Salum vialu Hilkiya, mí Hilkiya vialu Asaria, mí Asaria vialu Seraya fuɲaa Ɛsdras.

2Samiɛl 15:25

Mí masaa dimul Sadɔk aa: «Mingi kesu kpema Hala-o ciee. Te Mɛlɛka ce vɔ pɛ ya ɲia, o co ya mingi, mì kɔ cɔ vɛlɛ kesu kpemaa a Cɛi-Diandaa o co nin-ndo.

Efɛsea 5:16

Telen oo telen niaa sɔla pɛ dɛnɛ pum le tosaa, la tosà, kani palɛi naa n co hee nin-nde i niŋ te.

Dɛnnda kiilaa 8:30

Mí Filipe ɲaanun, mó sɔɔnguu, mó tuɛi Etiopiinɔɔ sɛbɛ Esai vana-tɛɛngaa-diom Hala-o dimio. Mó ɲuna ndu aa: «Vɛ̀ɛ̀ a co pá ɲɛ n co kon dimio-o bilaa biyɔɔ?»

Matie 13:23

Kulun deli yɛ o lɛŋnde kɛndɛlen-ndon, mun co tɔɔmasele vana tuei sɔɛi Hala-e, mó bii ndi bila-o ni. Vana kon ndu nɔla mò kom, mì yasala ndɔlan lapum la soli kullon kɛmɛ, lapum kullon belaŋɔmpum, lapum yɛ kullon beleyaa.»

Nehemi 4:2

Má cɛlan le hunɔɔ delɔɔ Yerusalɛm coo, le ndu tɛɛmbuuo.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Misee 5:1

Éé nɔm Bɛtlɛhɛm Efrata! À co bɛɛ ciee pɔmbɔ o cieon co o tàndá Yuda-o nin-ndon kpow tɛɛn nuaa, kɛ o nɔm nin ya solinin vana bɛnda mo tosa masalen Israɛlla kpow coo-o ni. Vana kon pɛn, ó fula o yungu kɔɔlima ndɔan ma kandun kabi sindɛ-sindɛ-o nin-ndo.