Daniɛl 9:24 - BII BILA

²⁴ Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Daniɛl 9:24 Referans Kwoze

Rɔmnda 5:10

Kani, telen naa n va yaamɔaa Hala-va-o, mí ndu pila mingi bɛndaa naa ndaa tɛɛn a piɔ́m Po ndɔɔ sɔla-o. Kodinte mɛɛ bɛndaa co nin naa tɛɛn naa ndaa nuaa yɛ, o ciindiaanin naa a yoomu Po ndɔɔ.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Kundalan 14:34

La tosa palɛi belehiɔɔlu o suansuaannden nin, la sɔlanin vɛlɛ sangaa le yɔŋ vɔɔn niaa o vɔsilan belehiɔɔlu bɛngu, vɔsio pilɛ le paalen lepilɛ. Lepalaa-lepala, la co va kɔmnde yɔŋ vɔɔn niaa kiɔndɔɔ. O kon, la sinanin mɛɛ sala vana simul ya Mɛlɛka-o co yɛ.

Tɔŋ lasálàá 25:8

«La bɛnda mì la cɔm telenndan laŋɔmmɛw, telen oo telen vɔsilan laŋɔmmɛw, mɛɛ telennda ŋɔmmɛwla lan la bɛnda vɔsilan belehiɔɔlu a laŋɔmahiɔɔlu.

Dɛnnda kiilaa 3:22

Kani mí Moise dimi aa: ‹Mɛlɛka, o co Hala niaa-o cuunin niaa vana-tɛɛngaa-diom Hala-o maa ya, fulaa o puapilɛa nia tɛɛn. La tuei ndu diom mì la bii ɲɛ-ɲɛ o hun dimulnin niaa.

Esai 56:1

Nuaa Mɛlɛka dimi ni aa: «La kela o sakpoyɛi nin, mì la tosa dɛnɛ sandaa, kani cinda nuu co nin le tiiya, dɛnɛ ni sandaa co nin le cɔmnɔnndo kpendekele.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Esai 51:8

Kani a kɔwnin maa kola, mà tambu, fɛlɛkpɛkpɛa dianin nda maa kola toosian a yiiŋii saa-o, kɛ dɛnɛ ni sandaa viawnin le fɛɛn a fɛɛn, cinda nuu pɛngɛlannin le lambilan o lambilan nin.

Condii lisai 45:7

Masale nɔmnden le vanin le lɔ́ɔ́-lɔ́ɔ̀ a le fɛɛn a fɛɛn. Tinda nɔm lemasaa tinda dɛnɛ sandaa o co ni.

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Esekiɛl 4:6

Lɔ́ɔ́ n ciinin palɛi ken-ndo, a hini vɛlɛ o ba kɛndɔɔ coo, a cua yɔŋ vɔɔn polale Yuda len o palɛi belehiɔɔlu bɛngu. I kilu nɔm paalen lepilɛ le vɔsi oo vɔsi.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

2Dɛnnda lemasalan 29:24

Mí vanaa-solia-lasálàá diw nda, má fasaŋiaa kooma ndan o fonda-loamaa-lasálàá coo le sálà co le hakio sɔlaa malɔɔ-o solio le Israɛlla kpow. Kani le Israɛlla kpow masaa ndóò dimi le sálà loamaa a le sálà co le hakio sɔlaa malɔɔ-o solio ni.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Hebreea 10:14

O yɔngɔn ndɔ kon nin, mí vanaa o dindi a hakio-a peelun le fɛɛn a fɛɛn.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Kolɔsea 2:14

Mó ɲumi sɛbɛ ndáà sɛva le naa cɔlɔbaa-o, o tɔŋnda ndɔlan la ve ɲɛ kɛndɛ a naa loo, mó kpeeŋa ndu o baŋɔɔ nda baŋ ndu o yɔm singafilaa coo-o.

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

Dɛnnda kiilaa 3:14

Niaa yɛ, mí la kɛɛ vana Diandaa, o co vana Sandaa Mɛlɛka o hɔl-lo pɛɛn. Mí la ɲuna le vana diyaa n'vanndo malɔɔ.

Nsaŋ 1:41

Vana tase o komal-lo va Simɔn Piɛr puapilɛ ndɔ ni. Mó dimul ndu aa: «N saalun Vana Hala vem-ndo, Krista pɛɛn!»

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Marke 1:24

«Yɛɛ n yeema yɛ naa yɔŋndo, nɔm Yeesu fula Nasarɛt-o? Le naa ciiyo n hin ni? I sina vana n co-o, O-Diandaa Hala vem-ndo n co ni.»

Matie 11:13

Kani vanaa-tɛɛngaa-diom Hala-a kpow a tɔŋndo tɛɛnguu diom Hala-o a ndi o kɔɔ háá o telen Nsaŋ-ndo.

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Esekiɛl 28:12

«Po vanacieo sei, soli condii biisiei masaa Tir coo. Dimul ndu aa nuaa Maalii, o co Mɛlɛka-o dimi ni aa: ‹Nɔm va vana hiow vannda kpow tiwnɔnndo-o ni, nɔm óò nɔ kɔlkaloo taw-taw, nɔm óò hiow ba naŋɔɔ.

Cɛɛŋɔnnda Yeremi lan 4:22

Niaa vannda Siɔn, bɛpɛla niaa cuu le hakila niaalan. A kue lɛnin a niaa o cɛle celen nin te. Kɛ nia Edɔmnda, Mɛlɛka co hunɔɔ niaa lɔɔ le hakila niaalan, mò soli dɛnnda niaala vɔɔnndan ceen vakpa.»

Tɔŋ lasálàá 8:15

Mí Moise kialu ndu bololan, mó cua kooma ndɔan, mó vow suei lenin, mó suu o kpɛ̀ɛ́n fonda-loamaa-lasálàá, mó balu man suiyo pindo, mó cuiŋi matɔ̀an o fonda-loamaa-lasálà kon bɛngu, mó dindi ndu le baala Mɛlɛka-o, le faleŋun sálà co le hakio sɔlaa malɔɔ-on tosaa lecoo.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Matie 4:5

Mí masa ɲinaa vɔɔnda kɔa a ndu o kobi diandaa Yerusalɛm nin, mó kɔ kɛsi ndu o Cɛi-Hala-o tullo,

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Dɛnnda kiilaa 4:26

Le yɛɛ masaa lelɛŋnda co yɛ cɔnɔnndo mà va cuungianndo nda simlacia le Mɛlɛka nda Vana o pɔla-o simullo?›

Esekiɛl 4:5

I kilu nɔm palɛi mɛɛ vɔsila ndá tosa o yɔŋ vɔɔndo nin-ndan la co sɛ́lɛ́ yɛ. Lelan i kilu nɔm palɛi kɛmɛ leyáá a belaŋɔmahiɔɔlu. O palɛi ken kpede bɛngu n siilunnin yɔŋ vɔɔn cuavaa Israɛlla ni.

Sakari 4:14

Mó dimul-la aa: ‹Vanaa ŋiɔŋaa sɔla pɔla diandaa ma va isisi Maalii nɔ lɛŋnden kpow-vo o hɔl le ndu baalaa tosallo-a ni.›»

Esai 42:4

O fulanin mayoomu le, o vinin n'dial te. O lonin lende háá mò simi dɛnɛ sandaa yili o lɛŋnden coo, mì vanaa co o mɛmma ihɛllan kɔngɔ-a tiindan a kɔlkɛsiaa le tɔŋnda ndɔlan sɔlaa.