Daniɛl 9:21 - BII BILA

²¹ mí Kabriɛl, langbanɔ ya ce o tasendɔ o vundulen nin-ndo toal-la coo púkù-pùkù tuma solia sálà paale delaa.

Daniɛl 9:21 Referans Kwoze

Luke 1:19

Mí mɛlɛkanɔɔ mulul ndu aa: «Ya co Kabriɛl ni. I co isisi Hala o hɔl le ndu baalaa tosallo. O vem ya, mì soo o nɔm ndo, mì dimul nɔm Yoongu kɛndɔɔ ho.

Daniɛl 8:16

Mí tuɛi diom vanacieo deŋio o pee bɛndoo Ulai coo aa: ‹Kabriɛl, tɛɛsial ndu kɔlɔ vundulen-nden!›

Daniɛl 10:16

O kon mí ɲɛ yoomaa va maa vanaciee-o pilan cɔcɔn nun, mí kumbi sondoo le sɔɛi, mí dimul vana va ya isisi laci-o aa: ‹Maalii nuu, i ɲiiya, siòònde bii ya taw le vundule ya ce len-nden. I fula mayoomu few-few.

1Masaa 18:36

Telen solia lasálàá tiiyaa, mí Elii vana-tɛɛngaa-diom Hala-o sɔɔnguu, mó piɛi aa: «Mɛlɛka, Hala Abraham-ndo, Hala Isaak-o a Hala Yakɔb-o! I yeema mì vannda sina hau maa nɔm kpeekpei co Hala o lɛŋnde Israɛl-ten nin ni, maa vana nɔm baalaa ya co ni, maa nɔm cɛl vɛlɛ ni mí tosa dɛnndan ndan kpow.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Dɛnnda kiilaa 10:3

Paale pilɛ, lɛɛlɛ yàándɔɔ vaa le tiiyaa a paale yɔngannden, mó ca mɛlɛkanɔ Hala-o luɛyɔɔ o ndu lo cɛinin o vundulen nin, mó dimul ndu aa: «Kɔrnɛil.»

Daniɛl 10:18

O kon, mí ɲɛ yoomaa va maa vanaciee-o pilan ya vɛlɛ. Mó luei ya yoomuan.

Daniɛl 8:18

Tuma o va sɔɛi-yo, i va o kuumbuan o kɔl coo, mí siŋnun maa vana vovɛi. Mó pilan ya, mó cua ya, mó simi ya nɛɛ ya va-a.

Esai 6:2

Mí mɛlɛkaa leyinnda va isisi ndu coo, mɛlɛkaa kan, o kɛ́-kɛ̀ ndóò nɔ kumbanndan tan ŋɔmpum, kumbanndan latiɔn la va le hɔlaa ndaa kumbɔɔ, latiɔn le pelun ndan kumbɔɔ, latiɔnnda pilɛlan le hiŋnɔnndo coocoo.

Condii lisai 103:20

Niaa mɛlɛkaa ndɔa, la mel Mɛlɛka balika. Niaa o soaa dɔ́ɔ́, mì la tosa hɛnan ndɔɔ a yoomuma niaan kpow-va pɛɛn.

Fulaa 29:39

Ma soli sálà idiiyo a ò pilɛ, ma soli sálà paale delaa a o pilɔɔ.

Hebreea 1:7

Ɲɛ Hala dimi le mɛlɛkaa-o co hoo ni aa: «Mɛɛ ya tosa a hoeiye yɛ koni ya tosa a mɛlɛkaa ni, kpeku piɔɔ-volia soli ya-o koni nda solul-la ni.»

Dɛnnda kiilaa 12:7

mí mɛlɛkanɔ Hala-o fula o lepilɔɔ, mí ɲɛ-tengaa pia o cɛi kaaso kon nin. Mí mɛlɛkanɔɔ pilan Piɛr congoo, mó tindi ndu, mó dimul ndu aa: «Keleŋa cɔnɔn!» O kon mí yɔlɔn va ndu o ba-on n deli.

Dɛnnda kiilaa 10:9

Diimandɔɔ, mɛɛ vanaa nda vem kan-nda tiiyaa Yopé ciee-lekɔɔ, mí Piɛr hel o sɛmtɛ a telen paalen le va nin le tiiyaa o pol-lo le Hala piɛiyo.

Dɛnnda kiilaa 3:1

Paale pilɛ, Piɛr nda Nsaŋ va kɔlan o Cɛi-Hala-o a paale yɔngannden, o lɛɛlɛ yàándɔɔ, telen ndáà piɛi Hala-o.

Matie 27:46

Lɛɛlɛ yàándɔɔ kandɔɔ le tiiyaa, mí Yeesu deŋi coocoo kpélén aa: «Elii, Elii, lema sabatani?» Kon co dimio ni aa: «Hala nuu, Hala nuu, le yɛɛ nɛ n kɛɛ yɛ ya?»

Daniɛl 10:10

O kon, mí ba vanacieo pilan ya, mó cua ya, mí baŋ vulan a balan lɛŋ, mí va ɲiiyaa.

Esekiɛl 1:14

Ɲaa yoomaa kan va kɔlan a hunɔɔ a kiltan maa mɛɛ taŋnden le keleŋa nuaa yɛ.

Esekiɛl 1:11

Hɔlaa ndaa a kumbannda ndalan la va lasɛyanndan a lecoo. Nda hiɔɔlu kpow, o kɛ́-kɛ̀ ndóò nɔ kumbanndan latiɔn labaalanndan, latiɔnndan lapilɛlan la va le dialun ndan kumbɔɔ.

Condii lisai 104:4

A siinguu hoeiye kiilaa nɔmnda, yinnden le co vanaa baalaa nɔmnda ni.

Luke 1:26

O paangii ŋɔmpumndɔɛi, mí Hala viam mɛlɛkanɔɔ Kabriɛl o kobio pum nin diolan Nasarɛt, o tàndá Kalile-o nin,

Dɛnnda cɔɔmuanndan 9:17

O kon mí ca soa a vanaa va lecoo-a. Ndáà nɔ domala cɔwla siaŋalan maa leyin, la yinɔɔ makaalan a la co layinaalan maa kolo mayéndi lan-ndan. Bolii soa va maa bolii n'yàlà, ɲɛ va nda fulaa o sodo-o va yinnden, kumnde a fungoo ni.

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

1Masaa 18:29

Paalen léè hiovɔɔ o pol, má kandu vɛlɛ Baal piɛiyo coocoo háá mí telen solia lasálàá tiiya. Kɛ kpɛkɛlɛ bɛɛ a tui le, a sɔla muli le, a ci vɛlɛ tɔɔmasele kɛ́-kɛ̀ le.