Daniɛl 9:2 - BII BILA

² ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Daniɛl 9:2 Referans Kwoze

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

Dɛnnda cɔɔmuanndan 1:3

Dɛnɛ kɛndɔɔ co le vana co sɛbɔɔ ho dimio-o, a le vanaa co sɔɔn fula mun Hala o ba, mì n va n sɛvaa o sɛbɔɔ ho nin-ndon tueyɔɔ ma va mun biyɔɔ-a. Kani telenndo sɔɔnguu kpɛɛlun.

Sakari 7:5

‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 25:18

Mí kandu a Yerusalɛm a á kobila va o tàndá Yuda-o nin-ndan, masaa ndaa a simlacia ndaa, le lan mingio bémbélan. Mí vannda va kpingaa a mɔnɛi biyɔɔ, o kon má ca dɛnɛ kon, má va mɛnaa a ndi o kɔɔ mɛɛ o co hau tosanndo yɛ.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esai 64:10

Cɛi-Hala diandaa naa kɛndɛ-kɛndɔɔ, nɛɛ fuɲaa naa imamaa va nɔm lisaa-a ŋɔɛ o yinnden nin, ɲɛ-ɲɛ kɛndɛ sɔvɛ náà n nɔ lenin, kon kpede cuu itambu o yinnden nin.

1Timote 4:13

Lɔ́ɔ́ pá ya hun, kindin mà va sɔɛi-Hala-e dimio vannda o hɔl, mà va nda silaa, mà va nda pɛɛkoo.

Dɛnnda kiilaa 8:34

Mí Etiopiinɔɔ ɲuna Filipe aa: «A yandi, dimul-la, a nɛ̀ɛ̀ o kɔɔ vana-tɛɛngaa-diom Hala-o ho co yɛ sɔɛi he nuaa? A ndu pila o kɔɔ ni baa a vana celen o kɔɔ?»

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Condii lisai 119:24

O tɔŋnda nɔmndan nin ya dɔawnun ɲaale ni, lan la co ya silaa ni.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 1:1

Sɔɔn Yeremi, po Hilkiya, va vana-solia-lasálà pilɛ Anatɔt, o tàndá Bɛnyamɛn-ndo nin-ndo dimi-on yɔŋnun mun ni.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Sakari 1:12

Mí mɛlɛkanɔ Hala-o cua sɔɛi, mó dimi aa: ‹Éé Mɛlɛka-Nɔ-Kpaayaa-Kpow-vo! O co nihau vɔsilan belaŋɔmmɛw a co o kɔltuwvo nin a Yerusalɛm a á kobila co o tàndá Yuda-o nin-ndan. Mà lo kɛɔ le nda ɲííye tuinɔnndo háá lɔ́ɔ́ kuɛɛ nɛ?›

Esekiɛl 29:11

Vanacieo ndu pilɛ bɛɛ ve lɛnin kei lon te, hali cɔloo ve lɛnin ndon te. Lende le lonin fondo ni háá vɔsilan belehiɔɔlu, vana venin icali lenin te.