Daniɛl 9:19 - BII BILA

¹⁹ Maalii, yaŋnun! Maalii, mal haki. Tuei naa diom, keleŋa ɲɛ ya co nɔm ɲunaa-o tosa. Yiyan a kaola nɔmndo o kɔɔ. Kani o kobi nɔmndo ho nin a o yungu nɔmndo ho tɛɛn diola nɔmndan la co piɔlnɔnndo ni.›»

Daniɛl 9:19 Referans Kwoze

Daniɛl 9:18

Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Luke 11:8

Mì dimul niaa, hali mò cen mò yɔngu ndu le tùú o co caan ndɔ-o le, kɛ mɛɛ mò cɛn, mò yɔngu ndu ɲɛ-ɲɛ o yeema le baŋnɔn o baŋnun ndu ɲunaa-o.»

Amɔs 7:2

Mɛɛ sóónɔa kan cii bil va o lɛŋnden coo-o dio, mí dimi aa: «Éé Maalii, Mɛlɛka, mal naa haki yandi! Te kon te, vɛ̀ɛ̀ cuavaa Yakɔb-a nɔla yɛnin mà lo yoomu, nda co haa sɛ́lɛ́ le-a?»

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Yeremi 14:9

Le yɛɛ n tosa yɛ maa vanapɔnɔ nɔ mayoomu loo, maa kuubanɔ cɔw nɔla vana ciindiaa loo? Nduyɛ a co naa tɛɛn, nɔm Mɛlɛka, le nɔm naa n co ni, mal naa le.»

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Kundalan 14:19

Lelan, i tɛɛlun nɔm a yandi, mal vannda ha haki le yɔŋ vɔɔn ndaa mɛɛ canyɛi nɔmnde co ibɔɔ yɛ, mal nda haki mɛɛ n dema nda haki malɔɔ kabi cɔnɔn ndaa Esipte háá sisa yɛ.»

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Esekiɛl 39:25

Le hee, nuaa Maalii Hala dimi ni aa: «O laan nin, i minginin cuavaa-imamaa Yakɔk-a co o biyɔɔ nin-nda o nda lo. I tuinunnin cuavaa Israɛl-la kpow iɲíí, kani paŋalaa biinin ya le diola nila diandaalan.

Esekiɛl 36:22

Le hee, dimul cuavaa Israɛlla aa nuaa Maalii Hala dimi ni aa: O co le niaa cuavaa Israɛlla le ya co dɛnndan tosaa nuaa le, kɛ le diola nila diandaalan, la niaa nɔɔliaa nɛɛ niaa co a sɛŋiannda vanaa-mangalaa-isɔɔa tɛɛn-nda pɛɛn.

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:14

Kɛ mí tosa ɲɛ pum le diola nilan, yɔŋii diola nilan láà tambu vanaa-mangalaa-isɔɔa va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Yeremi 25:29

Kani o kobi co le ya-o coo ya co kandɔɔ dɛnɛ palaa tuisio ni. Vɛ̀ɛ̀ niaa niaa looku yɛnin hiɔlɔn? I biinin niaa maa vanaa tɛɛmbuu isɔɔ le-a le. Kɛ i veelunin mɔɛi cɔwve, mì i hinul vanndacieea o ceendo coo kpede.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

2Dɛnnda lemasalan 6:39

yaŋ nilan o piɛile ndalen a o tɛɛlɔnnda ndalan nɛɛ n co icali o halataala-a. Mal vanaa nɔmnda haki ma lɔɔnun ibuŋ le nda, a tosa kan hakilan a nɔm-nda pɛɛn.

2Dɛnnda lemasalan 6:21

Yandi, te vana nɔm baalaa a Israɛlaa nɔmnda a tɛɛlun pɛ nɔm o fondaa ho, yaŋ nda nilan, ma tuei nda diom nɛɛ n co o calta nɔmndan nin o halataala-a, ma mal nda haki.

Dɛnnda kiilaa 15:17

O kon vanaa tɔ̀a kpow a nuwviaanin ya Mɛlɛka, vanaa-mangalaa-isɔɔa diola nilan la co biilɔnndo tɛɛn-nda.› Mɛlɛka dimi lende ni,

Kundalan 6:27

Lende vannda bɛnda ni ma piɛi ya le Israɛlla, o kon mì dɔw nda duaa.›»

Esai 43:7

a diola nilan la co coo-a pɛɛn. A ya cɔw kan le biilu nuu-a, a ya toosiaa mí bɛɛndiaa nda-a.