Daniɛl 9:18 - BII BILA

¹⁸ Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Daniɛl 9:18 Referans Kwoze

Esai 37:17

Yandi Mɛlɛka yaŋ nilan mà tuei! Mɛlɛka kumbi hɔlta nɔmndan mà tofa! Tuei-yɔ sɔɔn Sennakerib sɔɔ vannda o sondo le hunɔɔ nɔm Hala yoomaa yeowlan a mun-ndon!

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 25:29

Kani o kobi co le ya-o coo ya co kandɔɔ dɛnɛ palaa tuisio ni. Vɛ̀ɛ̀ niaa niaa looku yɛnin hiɔlɔn? I biinin niaa maa vanaa tɛɛmbuu isɔɔ le-a le. Kɛ i veelunin mɔɛi cɔwve, mì i hinul vanndacieea o ceendo coo kpede.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

2Masaa 19:16

Mɛlɛka, yaŋ ya nilan ma tuei ya diom. Kumbi hɔltan ma ce. Kámáá a tuei sɔɔn Sennakerib-on, ó vem vana ndɔ baalaa le nɔm Hala yoomaa yeowlan-ndo?

Esekiɛl 36:32

Nduyɛ, o bɛnda mì la sina pɛngu maa o co le niaa le ya co kon tosa le. Sɔɛi fula Maalii o sondo-e co ken ni, Mɛlɛka pɛɛn. Le hee, niaa cuavaa Israɛlla, siɛmbulan la bɛnda mì la bii niaa, mì la cuu labɛɛ le kela niaa vɔɔndo!»

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Yeremi 37:20

Lelan masaa, i tɛɛlun nɔm vana ni bɛndoo, mà yaŋ ya nilan, mà tuei tɛɛlɔn ya co nɔm-ndo! Mingi ya o Yanatan vana sɛvaa lo le, yɔŋii ya kɔ vu lon.»

Yeremi 14:9

Le yɛɛ n tosa yɛ maa vanapɔnɔ nɔ mayoomu loo, maa kuubanɔ cɔw nɔla vana ciindiaa loo? Nduyɛ a co naa tɛɛn, nɔm Mɛlɛka, le nɔm naa n co ni, mal naa le.»

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

1Masaa 8:29

Paalen a ɲumndan, màá hɔlte nɔmnden le va o Cɛiyo ho coo, kani fondaa ho n dimi ni aa nanu diola nɔmndan la vanin piɔlnɔnndo ni. Lelan, yaŋ nilan o piɛile vana nɔm baalaa co o fondaa ho len.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Condii lisai 116:1

I kaola Mɛlɛka, kani o co diom nuu a cɛɛŋɔnnda nilan tueyɔɔ.

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Kundalan 6:27

Lende vannda bɛnda ni ma piɛi ya le Israɛlla, o kon mì dɔw nda duaa.›»

Condii lisai 25:6

Éé Mɛlɛka! Yiyan le ɲíí nɔmnde a le lo n lo o lediom coo-o, kani ɲíí ken a sakpoyɛi ken co nɔm o ba kabi lɔ́ɔ́-lɔ́ɔ̀.

Esai 43:7

a diola nilan la co coo-a pɛɛn. A ya cɔw kan le biilu nuu-a, a ya toosiaa mí bɛɛndiaa nda-a.

Esekiɛl 36:22

Le hee, dimul cuavaa Israɛlla aa nuaa Maalii Hala dimi ni aa: O co le niaa cuavaa Israɛlla le ya co dɛnndan tosaa nuaa le, kɛ le diola nila diandaalan, la niaa nɔɔliaa nɛɛ niaa co a sɛŋiannda vanaa-mangalaa-isɔɔa tɛɛn-nda pɛɛn.