Daniɛl 9:16 - BII BILA

¹⁶ Maalii, mɛɛ dɛnnda nɔmnda sandaalan kpow la co yɛ, faŋa kɔltuw nɔmndo Yerusalɛm coo, kobi nɔmndo a pembii nɔmii diandɛi pɛɛn. Kani le hakila naalan a yɔŋ vɔɔn fuɲaa naa mamaa kobi nɔmndo Yerusalɛm, a yungu nɔmndo a tambu labɛɛ vanaa balu nda-a o sondo ni.

Daniɛl 9:16 Referans Kwoze

Sakari 8:3

Le hee, Ya Mɛlɛka soaa nuaa ni, I co muungoo Yerusalɛm, i co hunɔɔ vɛlɛ calle o kobio Siɔn nin. Yerusalɛm sɔlanin diolan aa Kobi lo o lediom coo-o. Pembii Mɛlɛka-Nɔ-Kpaayaa-Kpow-vo i veelunnin aa Pembii Diandɛi.

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Condii lisai 31:1

Condii David-e, í fula o condun simlacinɔ vanaa n'condua nin-nde.

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

Condii lisai 71:2

Baŋa ya o sandii nɔmnde nin, tosa mì hɛlun mì kɔ vionnun. Yaŋ ya nilan ma ciindiaa ya.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

2Tesalonikea 1:6

Nduyɛ Hala sandu, o saangiaanin vanaa co niaa saangiaa-a,

Esekiɛl 5:14

I siinguunin nɔm (Yerusalɛm) kobi piɔlɛiyo, siɛmbulan la biinin niaa co lon-nda vanaa-mangalaa-isɔaa balu niaa-a a vanaa vanin hiovɔɔ-a kpede o hɔl.

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Condii lisai 143:1

Condii fula o condun David-on nin-nde. Mɛlɛka, yaŋnun piɛile nilen, yaŋ nilan o cɛɛŋɔnnda nilan. Mɛlɛka lo o lediom coo-o a Mɛlɛka sandaa n co ni, lelan, mulul-la!

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

Nehemi 9:8

Má ca maa kɔl ndɔɔ sandu nɔm o hɔl, má yiilu ndu kpemaa, má yɔngu ndu lɛŋnde Kanannda, Hitiia, Amɔnnda, Perisiia, Yebusiia a Kirkasiia, mì cuavaa ndɔa va icali lenin. Nduyɛ, má lo o lediom coo, kani vana sandaa n co ni.

1Samiɛl 2:7

Mɛlɛka siinguu vana vana bala fondoo ni, ndu koni siinguu vɛlɛ vana vana bolofaa ni, ndu tuisi vana tootoo ni, ndu koni heelu vɛlɛ vana ni.

Condii lisai 85:4

A mal kɔltuw nɔmndo kpow, má yɛlɛma kɔl nɔm óò fula a naa-o.

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Yeremi 32:31

Kani kabi kobio ho kilan háá hun bii a paalen nden hau, kɔl tambɛiyo a kɔltuw bɛndoo tuŋ ya sɔla a ndu ni. Lelan maa i ca ndu bɛɛ a lehɔl te.

Daniɛl 11:45

O baŋnin cɛila-kolala-toandaala ndɔla lemasalan o mɛmma ihɛllan a o Pembii-Diandɛi co o lɛŋnde hiow naŋɔɔ len nin-nden tɛɛn. Lon mɛɛlula ndɔlan la vanin ni. O sɔlanin vana malaa le.»

Condii lisai 89:51

Loonun-ndɔ mɛɛ nda yeow vanaa baala nɔmndo yɛ Mɛlɛka. Loonun-ndɔ mɛɛ dɛnɛ palaa sɛ́lɛ́ bɛndoo ho co ya coo yɛ.

Esekiɛl 22:4

A sɔla vɔwlen le vanaa n diw-va, mí nɔm pila nɔɔlian a piɔmaa n cownun-nda. Palɛi yoomu nɔmndo n dɔɔniaa lende nuaa ni. A tiiya o vɔsila nɔmndan mɛɛlulan. Lelan ya cii nɔm bɛ̀ɛ̀lan vanaa-mangalaa-isɔɔa o hɔl ni, mí tosa mí lɛŋnde kpow i tɛɛndan nɔm.