Daniɛl 9:15 - BII BILA

¹⁵ Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.

Daniɛl 9:15 Referans Kwoze

Nehemi 9:10

Má tosa dɛnnda kɔndɔfilta bɛndulan le Faraɔnnɔɔ cɔlɔbaa, le langbaa ndɔa kɛsun kálàá a vanaa va o lɛŋnde ndɔlen nin-nda kpow cɔlɔbaa, kani nɔm sina mɛɛ nda bii fuɲaa naa imamaa a yongaa yɛ. Mí diola nɔmndan la sɔla tɔ́ɔ́ bɛndoo, tɔ́ɔ́ kon co vɔ háá hau.

Daniɛl 9:5

N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

Nehemi 1:10

Nduyɛ, vannda ha, vanaa nɔmaa baalaa, a yungu nɔmndo nda co ni, à n baŋa a yoomuma nɔmndan a á ba nɔm kpaayaa-a.

Fulaa 32:11

Kɛ mí Moise ɲɔɔlu Mɛlɛka Hala ndɔɔ, mó dimul ndu aa: «Éé Mɛlɛka! Le yɛɛ ma tuulu kɔl a vanaa nɔmaa n soli haa o lɛŋnde Esipte len nin a kpaaya bɛndoo a ba nɔm mayoomoo-a?

Fulaa 14:18

Te i soli pɛ mɔnɛ lende a Faraɔnnɔɔ, a ɲɛla ɲaanannda ndɔla soa nan-ndan a á vanaa ɲaanun o soa coo-a, mì soli biilu nuu o nda nin, Esiptea kpow sinanin maa ya co Mɛlɛka ni.»

Fulaa 6:1

Mí Mɛlɛka dimul Moise aa: «A canin mɔnɛ ya co soli a Faraɔnnɔɔ-o sisa. I co ndu kindila a kpaaya nuu háá mò mal Israɛlla kɔlan. I co ndu tolɔɔ kɔɔli háá mò tow nda le nda solio few-few o lɛŋnde ndɔlen nin.»

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Luke 15:21

Mí poo dimul ndu aa: ‹Pua, i cua hakio a Hala, i cua vɛlɛ hakio a nɔm, i nɔ lɛ di ma veelu ya aa po nɔm te.›

Yeremi 32:10

Mí sɛva sɛbɛla leseilan, mí pila pondale nile ya pila len lecoo, mí tuu volion o ɲɛ tuvaa coo seiya o hɔl.

Esai 55:13

Yɔmii Siprɛsiei vulnin o fonda yɔmii n'yɔɛi va-o, yɔmii Mirte vulnin o fonda yɔɔn va-o, tɔ́ɔ́ bɛndoo vanin kon le Mɛlɛka ni, tɔɔmasele fɛɛn-fɛɛndo vanin kon ni, o feŋannin le fɛɛn a fɛɛn too.»

Condii lisai 106:8

Kɛ mí Mɛlɛka ciindiaa nda le diola ndɔlan bɛɛlen keo, le kpaaya ndɔ bɛndoo cɔmndo.

1Masaa 8:51

Kani vanaa nɔmnda nda co ni, kɛ́ nɔmndo nda co ni, nɔm soli nda o tóndó icilin tuwvo nin Esipte ni.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 13:9

Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Fulaa 13:16

Maa mɛɛ ɲɛla co niaa o laba a o n'tendu lan la co tɔɔmasele loonanndo le Mɛlɛka yɛ, lende sálàlan ndan la co ɲɛ loonanndo le niaa le loonɔnndo a ba kpaaya Mɛlɛka soli niaa Esipte-o o kɔɔ ni.›»

2Masaa 21:15

Kani a kela kela kɛndɛ ya o hɔl te, a pɛngi ya kɔllo tɛɛmbuuo kandɔɔ telen ya soli fuɲaa ndaa mamaa Esipte-o háá paalen nden te.»

2Dɛnnda lemasalan 6:37

taa kɔ mangala pɛ yiyanndan o lɛŋnde nda kɔanin a nda o biyɔɔ nin-nden nin, mà sɔlɔlan yɔŋ nda vɔɔndo, mà piɛi nɔm, mà dimi aa: ‹N cua hakio, n yɔŋnun vanaa vɔɔn, n tosa dɛnnda vɔɔnndan›,

Nehemi 1:6

Sisa, tofa ya vana nɔm baalaa, ma yaŋ nilan, ma tuei piɛile ya co nɔm idii a icɔl-ten. I co nɔm piɛiyo le vanaa nɔmaa baalaa, Israɛlla pɛɛn, le hakila nda cua a nɔm-ndan sɔlɔlanndo nɔm o hɔl. Yungu nuu a ya pila, n cua hakio a nɔm,

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.