Daniɛl 9:14 - BII BILA

¹⁴ Lelan, nɔm Mɛlɛka, má tuisi naa dɛnɛ palaa coo. Kani a sandu o dɛnnda n tosa lan kpow nin, kɛ naa, n bii diom nɔmndo le, nɔm Hala naa pɛɛn.

Daniɛl 9:14 Referans Kwoze

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Nehemi 9:33

O dɛnnda tosalan naa lan kpow nin, má yɔŋnun vana sandaa, má lo o lediom coo, kɛ naa n yɔŋnun vanaa lo o lediom coo le.

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Condii lisai 51:14

Mingi ya ɲaale vana sɔla o cinda nɔmndo nin-ndo o kɔl, mì yiyan yeemɛi kɛndɔɔ sim ya mayoomu.

Yeremi 31:28

Háá hau, simullo tuŋ ya co nda ni, mí sungu nda, mí komba, mí kala nda, mí tɛɛmbuu, dɛnɛ palaa tuŋ ya va nda tuisio coo ni. Kɛ kɔɔlimandɔ nin, i co nda hɔlla mulul, i minginin nda cɔvɔɔ a nda mingio tɔlɔɔ.» Sɔɛi fula Mɛlɛka o sondo-e co ken ni.

2Dɛnnda lemasalan 12:6

Le hee, mí masaa a simlacia Israɛl a sina pɔwla ndalan, má dimi aa: «Mɛlɛka nɔ dí.»

Condii lisai 116:5

Mɛlɛka nɔ kɛndɛi, o sandu, Hala iɲííyo Hala naa co ni.

Condii lisai 119:137

Éé Mɛlɛka! A sandu, tɔŋnda nɔmndan bɛɛ la sandu.

Fulaa 9:27

Mí Faraɔnnɔɔ viam kilaa le kɔlan Moise nda Aarɔn veeloo, mó dimul nda aa: «O laan ndu, i cua hakio. O sandaa Mɛlɛka ndu co ni, kɛ naa n co vanaa yɔŋ vɔɔnda naa yungu nuu ni.

Ɛsdras 9:15

Mɛlɛka, Hala Israɛlla, vana sandaa n co ni. Lelan naa pumnda n co hau yoomu nuaa ni. Má cè naa nɔm o hɔl nanu a hakila naalan! Nduyɛ vana-vana bɛnda mò va nɔm o hɔl lende le.›»

Condii lisai 111:7

Ɲɛ-ɲɛ o tosa pɛ, ndu cɔm maa Mɛlɛka lo o lediom coo-o a Mɛlɛka sandaa o co ni. Silala ndɔlan kpow, silala toɲalan la co ni.

Yeremi 4:17

A balu Yerusalɛm pindo mɛɛ vannda balu bungɛi cumullo yɛ. Kani o simul-l›. Sɔɛi fula Mɛlɛka o sondo-e co ken ni.

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

Cɛɛŋɔnnda Yeremi lan 1:5

Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

Esekiɛl 16:43

Kani a loonun a telen ifelengiya nɔmndo le, kani o kon nin kpow, má tuulu ya kɔllo a káà nɔmndo. Lelan ya bɛɛ, i minginin kela nɔm vɔɔndo nɔm pila o lebol. Vɛ̀ɛ̀ o co mààlan te n tosa vɛlɛ o dɛnnda nɔmnda nɔɔlɛilan kɔɔli le? Maalii ɲuna nuaa ni, Mɛlɛka pɛɛn!»

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»