Daniɛl 9:12 - BII BILA

¹² Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Daniɛl 9:12 Referans Kwoze

Esekiɛl 5:9

Sangala yáà tuisi vɔ niaa coo le lan, i tuisinin ndan niaa coo. Hali sangala ya tuisi lɛnin vana coo le lan, i tuisinin ndan niaa coo. I tosanin kon le dɛnnda lamààla niaalan kpede.

Cɛɛŋɔnnda Yeremi lan 1:12

Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

SƐBƐ YƆB-O 12:17

Ndu tosà ni mì simlacia lelɛŋnda kela pelun fondo, ndu koni tosà vɛlɛ ni mì kɔlkalu kialaa n'yamaa laasian vanaa kialaa n'yamaa o ba.

Rɔmnda 15:8

I co niaa ndi dimul, vana lo o lediom coo-o Hala co ni. Lelan Krista siŋnun vana baala Yuifia ni, le kpemala Hala yiilu fuɲaa ndaa mamaa lan peeloo.

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Marke 13:19

Kani palɛi ken vanin bɔɔ palɛi sanga bɛndu. Kabi ceen Hala cɔw-vo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Matie 24:21

Kani tuma kon, sanga bɛndoo yɔŋnunnin. Kabi ceendo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Matie 5:18

I co niaa toɲaa dimul, te halataalaa a lɛŋnden le co vɔ pɛ, hali diomnde hiow dɔɔnanndo len, te kon te sɛva hiow dɔɔnanndo-o faŋannin o tɔŋndo coo le, háá mì mɛɛlula ɲɛ-ɲɛ la tiiya.

Sakari 1:8

«Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Esekiɛl 13:6

A co vunduma lacòòvan cɔu a yoongula palaa n'vanndan tɛɛnguuo, nda kpede a co dimio aa: ‹Diom Mɛlɛka soo-o co hoo ni›. Nduyɛ Mɛlɛka vim nda le. A co vannda tiindanndo yɔngoo maa sɔɔn nda dimi-on peelunnin.

Cɛɛŋɔnnda Yeremi lan 4:6

Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Talelan 8:16

Ya cɛl ni mì simlacia tosa masalen, mì vanaa tɔ́ɔ́a a vanaa kialaa n'yamaa tosa vali kennun nda-o.

Condii lisai 148:11

niaa masaa co o lɛŋnden coo-a a vanaa-mangalaa-isɔɔa kpow, simlacia a vanaa kialaa n'yamaa co o lɛŋnden coo-a kpow,

Condii lisai 2:10

Lelan, niaa masaa, la sɔlà taasio. Niaa vanaa kialaa n'yamaa lelɛŋnda, la nuwviaa dɛnɛ sinaa.

1Masaa 3:9

Lelan, i tɛɛlun nɔm, yandi, ke ya vana baala nɔmndo kɔl taasio le masalen caa tosaa vanaa nɔmnda coo, mì handu pɛɛngulan dɛnɛ kɛndɔɔ a dɛnɛ vɔɔndo tɛɛn. Kani te o co lende le, nɛ̀ɛ́-nɛ̀ nɔlà yɛ masalen tosaa vanaa nɔmaa co haa sɛ́lɛ́ bɛndoo-a coo?»

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Yeremi 39:16

«Kɔ soo o Ebɛd-Melɛk Etiopiinɔ lo, mà dimul ndu aa: Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co dɛnnda yáà dimi le tosaa lan peelu vannda Yerusalɛm coo le nda saangiaa, o venin dɛnɛ kɛndɛ le nda le. Paale len, i tosannin nɔm o hɔl.

Yeremi 44:23

Le tùú niaa solul halaa celennda sálàlan, mí la cua hakilan a Mɛlɛka, la tui ndu diom te, la bii silala ndɔlan a tɔŋnda ndɔlan te yɛ, lelan dɛnnda palaalan ndan la co niaa coo ni.»

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Sakari 7:12

Má mingi kɔlta ndalan lakàlà-kálà maa idiaman, yɔŋii ndáà yaŋ nilan o tɔŋndo a o sɔɔn Mɛlɛka-Nɔ-Kpaayaa-Kpow-vo dimul nda a kɔl ndɔɔ a sondola vanaa-tɛɛngaa-diom Hala-a lɔ́ɔ́ kon-ndon. Lelan, mí Mɛlɛka-Nɔ-Kpaayaa-Kpow-vo tuulu kɔl a nda taw-taw.

2Masaa 22:16

‹Mɛlɛka dimi aa: I co kobio ho a vanaa co lenin-nda dɛnɛ palaa tuisi coo, maa mɛɛ o co o sɛvaa o sɛbɛ masaa Yuda dimi hoo-o nin yɛ.

Esai 43:28

Lelan ya cii simlacia co o Cɛi-Diandaa nin-nda labɛɛ ni, mí tɛɛmbuu polale Yakɔb len, mí tosa mí vannda yeow Israɛlla yeowlan pila.