Daniɛl 8:8 - BII BILA

⁸ Mí cuin toovi kon sɔla kpaayaa taw-taw. Kɛ mɛɛ o kindun a bɛmɛi véŋ-véŋ, mí lee ndɔ bɛndoo yom, mí leela kaamaalan tan hiɔɔlu la vul dɔ́ɔ́ o fonda kon, mí la sim o kpengun hiɔɔlun ceendo.

Daniɛl 8:8 Referans Kwoze

Daniɛl 7:2

mó dimi aa: «Icɔllo, mí ca vundulen-nden: Mɛɛ hoeiye hɔŋ fulaa o kpengun hiɔɔlun ceendo, mí i biiŋuu mɛmma ihɛllan.

Dɛnnda cɔɔmuanndan 7:1

O ken kɔɔli, mí ca mɛlɛkaa nda hiɔɔlu isisi o kpengun hiɔɔlun ceendo. Hoyun hiɔɔlun ceendo va n biyaa nda o ba, haliko hoeyii ndíì hɔŋ o lɛŋnden coo, o mɛmma ihɛllan coo a o yɔm oo yɔm coo le.

Daniɛl 8:22

Lee yom-ndo, a leela hiɔɔlula vil o fonda ndɔɔ lan, kon cɔm masɛi hiɔɔlui fulanin o vanaa-mangalaa-isɔaa kan tɛɛn-nde ni. Kɛ ken ndi nɔnin kpaayaa maa masale taselen te.

Daniɛl 8:5

I va yiyanndo le vundule len bilaa biyɔɔ, mí ca vɛlɛ cuin toovio. O va fulaa nɛɛ paalen le del-la. Toovi kon ndóò cii nin ceendo balɔɔ sɔ́, kɛ o pilan lɛŋ te. Ndóò nɔ lee kaamaa pum o hɔlta ndɔlan tɛɛn.

Daniɛl 5:20

Kɛ mó kuundian háá mí kɔl ndɔɔ pia a yongaa, mó kindi nilan. Lelan, mí Hala faŋa ndu o kpɛŋɛ ndɔ lemasaa coo. Mí biilu ndɔɔ hialun ndu.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

Marke 13:27

O cuunin mɛlɛkaa ndɔa, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o lɛŋnden mɛɛlulan, kɔlan tiiyaa o halataalaa mɛɛlulan.»

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Daniɛl 11:4

Kɛ telen o calnin ɲɛkɛndɛi o masale ndɔlen coo-o, masale ndɔle len le tambunin mì le piɔwnun o kpengun hiɔɔlun lelɛŋndon coo. Cuavaa ndɔa imamaa loonin masalen te. Le tosan ndɛnin a kpaaya bɛndoo maa paandu le, kani le vanin le piɔvaalen vanaa celen o ba.

Daniɛl 7:6

O kon kɔɔli, mí ca vɛlɛ visi celen, velanndo a tambillo. Ndóò nɔ kumbanndan tan hiɔɔlu o kɔɔ maa yow, a bolle ndii hiɔɔlu. Mí kpaayaa yɔngun ndu le masalen tosaa.

Daniɛl 4:31

O vɔsila ŋɔmmɛwla Mɛlɛka kelu lan-ndan mɛɛlulan, mí ya Nebukanɛsar heelu hɔlla o halataala, mí kɔlkalu ivanacieeyaa muungu ya nin. O kon, mí candu Ó-Hiow-Ɲɔɔn-Kpow-vo, mí lisa Vana-Co-Yoomu le fɛɛn a fɛɛn-ndo, mí sangala ndu. Ò vanabɛnduyɛi ndɔɛi nɔ lamɛɛlu loo, ò masale ndɔlen le co le fɛɛn a fɛɛn-ndo.

Esekiɛl 28:9

Vɛ̀ɛ̀ a nɔla vɛlɛ mà dimi vanaa co nɔm diyɔɔ-a o hɔl aa hala n co ni? Nduyɛ vanacieo daama n lonin ɲinkon vanaa vanin nɔm diyɔɔ-a o ba ni. A venin hala nda o ba le.

Esekiɛl 16:7

Mí vangala nɔm taw-taw, má kui maa billo yondoo nin, má can o boondei coo, má hindu, má naŋ naŋɔɔ pila. Mí mɛɛma nɔmndan má kiilian nɔm o ibuŋ, mí yiiŋii nɔmnde del kɛpuu-kɛpuu. Kɛ tum fondo fúú n va ni, a vannun kɔɔle fondo fúú.

Yeremi 5:27

Mɛɛ kesu mandaa n'yowvo và o piaa a yowva yɛ, lende cɛila ndalan la co lapiaa a ɲɛm lakafan ni. Le ken nda siŋnun vanaa kpaayaa a vanaa bolofaa ni.

Ɛstɛr 9:4

Kani Mardosee ndóò nɔ fonda bɛndoo o cɛi lemasaa nin, mí diola ndɔlan la tiw o kobila leboltan kpow nin. Tɔ́ɔ́ ndɔɔ va hiovɔɔ laci a handɔnndo lecoo tuŋ.

Tɔŋ miingua 31:20

Kani i co nda yɔɔ o lɛŋnde ya yiilu fuɲaa ndaa mamaa kpemaa mí mɛnan le nda len yɔngoo len nin, lɛŋnde cɔlua a tɔlɔɔlan la naŋ nin taw-taw len pɛɛn. A vanin ɲɛdiaa dioo, mà va pumndo háá mì cuɛiyan ma luɛi nda. O kon, a mulinin hɔlla o halaa celennda lo, mà sooluu nda. Lende nda tuulunin ya kɔllo mà tɛɛmbuu kpema nuu ni.

Yeremi 49:36

I solinin hoeiye o kpengun hiɔɔlon coo, fulaa a ba luaŋ-ndo a á ba too, a ba paalen le can-ndo a á ba le del-lo, mì i hinul Elam. I puusiaanin Edɔmnda mà kɔɛ ba-ba fee. Elamnda kɔanin cɔwvo ɲaanɔn o lɛŋnde kpow nin.

Daniɛl 8:7

Mí ca ndu saa kóndóó hinullo a kɔltuwvo. Mó kundu ndu kpoku! Mó yimi ndu leela tiɔnndan. Hali ɲɛ-pɔmbɔ saa kóndóó nɔla ndu simullo le. Mó yɔl ndu lɛŋ, mó nɛw ndu a labɛngu. Vana-vana nɔla ndu saa kóndóó puu o ba le.