Daniɛl 8:26 - BII BILA

²⁶ Vundule n ce o telenndan, icɔl a idii, coo len, toɲaa le co ni. Kɛ nɔm, vion vundule len kpíŋ o kɔl nɔmndo nin, dimul vana-vana le. Kani telen ndɔɔ bandu vɔ taw.›

Daniɛl 8:26 Referans Kwoze

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Daniɛl 12:9

Mó mulul-la aa: ‹Daniɛl, kɔ! Sɔɔn mun n lonin n'viannanndon háá o telen mɛɛlaa.

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Daniɛl 10:14

I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

Dɛnnda cɔɔmuanndan 22:10

O kon mó dimul-la aa: «Viaŋ sɔɔn Hala cɔm nɔm mun, mí n va o sɛbɔɔ ho nin-ndon te. Kani telenndo cuu nin sɔɔnguu.

Esekiɛl 12:27

«Po vanacieo sei, tuei-yɔ mɛɛ cuavaa Israɛlla co dimio yɛ aa vundule o nɔ len, ɲɔɔ bandu vɔnin le len peelɔnndo, o co diom Hala-o tɛɛnguuo. Kɛ ɲɔɔ bandu vɔ bɔɔ le diom nda co kon tɛɛnguuo-o peelɔnndo.»

Dɛnnda cɔɔmuanndan 10:4

Mɛɛ taŋma ŋɔmmɛwma man ma deŋi, i va le ɲɛ ma dimi-o sɛvaa, kɛ mí tuɛi diomndo pum dimio o halataala aa: «Mandan sɔɔn taŋndan man ma dimi-on o kɔl, sɛva mun te.»

Esai 24:22

A biinin nda kpow, mà cuungiaa nda, mà mal nda o soondo nin. A kindanin nda o cɛila kaasolan nin ndon, a viow pɛ lon taw-taw, a saangiaa nda.

Daniɛl 11:2

Nihau, i co nɔm toɲaa cɔm: Tofa vɔ! Masaa nda yáá cannin vɛlɛ mà tosa masalen o lɛŋnde Pɛrse len coo. O hiɔɔlundɔɔ sɔlanin bolofaa mò hiow a yáá-aa kan kpow. Lɔ́ɔ́ o sɔlanin yoomuan taw a bolofaa ndɔɔ-o, o nuwviaanin nɛilan le masaa Yavan cɔlɔbaa.