Daniɛl 8:23 - BII BILA

²³ O masale ndalen mɛɛlulan, telen vanaa lahakia kuinin taw-taw-vo, masa celen sulnin, ó nɔnin yongaa a kɔlvesɛiyo le vannda palaa-o.

Daniɛl 8:23 Referans Kwoze

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

1Timote 4:1

Kɔl-Diandaa dimi vakpa maa vanaa pum malnin laalanndo o palɛi mɛɛlɛi, mà del ɲinaa vɔɔŋaa luei vana o pɔwlan nin-nda kɔɔli, mà del vɛlɛ pɛɛkula ndalan kɔɔli.

Daniɛl 7:20

Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Daniɛl 7:11

I va tofaa tuŋ le sɔɔn yongan va fulaa lee pɔmbɔɔ o sondo-on. I lo tofaa, mí visi kon diinun, má tɛɛmbuu visin ndɔn, má viaw mun o yinnden nin.

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Esekiɛl 38:16

A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›

Esekiɛl 38:8

O vɔsila bɔɔ-bɔɔ kɔɔli, i viamnin nɔm mà kuel lɛŋnde Israɛl-ten. O kon, vanáà hɛlun má ɲaanun cɔwvo o lɛŋii yɛ́-yɛ́i nin-nda muungunin mà kɔ cuungian Israɛl, o co nin lɔ́ɔ́ levil taw, vana hel-lɛ o pembun mun coo le. A faŋannin vanaa celen tɛɛn, mà va nila ɲulu.

Daniɛl 11:24

Telen kɔlɲuloo vanin-ndo, o luɛinin o fondala hiow tɔnɔɔ o tàndà kon nin-ndan nin, mò tosa ɲɛ fuɲaa ndɔa a fuɲaa ndɔa mamaa tosa vɔ kabi loo. O piɔwnin vanaa vanin ndu kɔɔli-a ɲɛ-sɔlaa a bolofaa cɔwvo. O kindinnin le kobila nda kunga a kpakio lan delɔɔ coo. Kɛ kon tosannin le telen pum daama.

Daniɛl 11:21

Vana vannda luei yii loo siŋnunnin masaa o fonda ndɔɔ, a yɔngunin ndu bɛɛle lemasalen te. O telen kɔlɲuloo vanin-ndo o hun cuanin masalen a kɔlkalu vɔɔndo ni.

Daniɛl 10:14

I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

Matie 23:32

La siow niko dɛnɛ fuɲaa niaa mamaa kandu-o!

Tɔŋ miingua 28:50

Vanaa hɔlta vesɛiya vanaa-mangalaa-isɔaa kan vanin ni. A nɔnin lebɛɛ a kaasonɔ yuuvɛi le, a nɔnin iɲíí a cuaambɔ le.

Kundalan 24:24

Dɛ̀ndɛ̀la bɛndula mamɛnndan la cɛn Kitim mí la hun. Vanaa hin a lan-nda delnin yungu Asur-o coo, a biinin cuavaa-imamaa Hebɛr-a, kani cuavaa-imamaa Hebɛr-a kan bɛɛ, tambei co nda laci.»

Talelan 1:6

Talelan ndan la mala le kɔlɔ talelan a sɔɔn viannanndon sinaa, le sɔɔn vanaa kɔlkalua a sɔɔn kendu bila biyɔɔ-on sinaa.

Daniɛl 8:22

Lee yom-ndo, a leela hiɔɔlula vil o fonda ndɔɔ lan, kon cɔm masɛi hiɔɔlui fulanin o vanaa-mangalaa-isɔaa kan tɛɛn-nde ni. Kɛ ken ndi nɔnin kpaayaa maa masale taselen te.

Daniɛl 8:24

O hiawnin laci a kpaayaa sɔlaa taw, o tosanin dɛnnda vɔɔnnda vana tui-yɔ bɛɛ le lan. Kɛ nduyɛ, o venin a kpaaya ndɔ kpeekpei le. Dɛnndan kpow la bɛndanin ndu o ba. O tɛɛmbuunin vanaa kpaayaa a yungu vanaa diandaa.