Daniɛl 8:17 - BII BILA

¹⁷ Mó va sɔɔnguuo ya ikɛi, mí siòònde bii ya taw, mí del o kuumbuan o kɔl coo. Kɛ mó dimul-la aa: ‹Po vanacieo sei! Sina pɛngu maa vundule n ce len-nden le co tɔɔmasele palɛi mɛɛlɛi ni.›

Daniɛl 8:17 Referans Kwoze

Daniɛl 8:19

Mó dimul-la aa: ‹I co nɔm cɔm ɲɛ yɔŋnunnin o mɛɛlula kɔltuwvo-o, kani telenndo kelun le mɛɛlulan.

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Daniɛl 12:13

Nɔm Daniɛl-lɛ, lo lecoo háá ma kɔ pɛngi ciee-piɔ́m. O kon kɔɔli, a tendulnin o telen mɛɛlaa le vɔ̀ngɔ̀ nɔmndo a kɛ́ nɔmndo sɔlaa.›»

Daniɛl 11:40

O telen mɛɛlaa, masaa a ba too hinulnin ndu a kɔltuwvo, kɛ mì masaa a ba luaŋ-ndo tol ndu coo a ɲɛla ɲaanannda ndɔla cɔwla cɔlua nan-ndan, a vanaa tosa cɔwvo o soa coo-a, a dɛ̀ndɛ̀la bɛndula cɔwlan taw o mɛnndan coo. O luɛinin o lɛŋii bɔɔ-bɔɔ nin, mì vanaa ndɔa cɔwva tiw lenin pindo maa mɛmma hunaa.

Dɛnnda cɔɔmuanndan 22:8

Ya Nsaŋ, ya tuei dɛnndan ndan mí ca lan ni. Telen ya tuei mí ca lan-ndo, mí del mɛlɛkanɔ va ya lan cɔmndo-o o pelon bɛngu le ndu biiloo.

Esekiɛl 1:28

Mɛɛ ninginangaa fula o yumbuyumboo coo a paale piɔɔlen nuaa yɛ, lende ɲɛ-tengaa ndóò kilan yɛwve ndu balɔɔ sɔ́-o va ni. Biilu Mɛlɛka-o ndóò cɔmnun kon lende kpendekele ni. Mɛɛ ya ce ɲɛ kon, mí del lɛŋ, mí kuumbuu hɔlla lɛŋ. O kon, mí tuɛi diom vanacieo sɔɛi o ya lo.

Matie 17:8

Má cua hɔlla, kɛ Yeesu ndu pilɛ kpé nda ce ni.

Daniɛl 10:16

O kon mí ɲɛ yoomaa va maa vanaciee-o pilan cɔcɔn nun, mí kumbi sondoo le sɔɛi, mí dimul vana va ya isisi laci-o aa: ‹Maalii nuu, i ɲiiya, siòònde bii ya taw le vundule ya ce len-nden. I fula mayoomu few-few.

Daniɛl 10:11

Mó dimul-la aa: ‹Daniɛl, nɔm vana Hala kaola hoo taw-vo, bii sɔɔn ya co nɔm dimullo-on bila. Cɔn ma sim, kani o nɔm ndo nda vem ya ni.› Mɛɛ o dimi diomnda lan, mí can a ɲiiyaa.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.

Daniɛl 8:15

«Telen ya Daniɛl va vundulen-nden cɔu, mí yeema le len kɔlɔɔ sinaa-o, mí ca ɲɛ yoomaa pum isisi ya laci, o va maa vanaciee.

Daniɛl 2:46

Mí masaa Nebukanɛsar del o kuumbuan o kɔl coo Daniɛl o labɛngunin. Mó dimi aa a solul Daniɛl sálàá, mà lum ndu ansan.

Esekiɛl 6:2

«Po vanacieo sei, muli hɔlla a kpengii pembon Israɛl, mà tɛɛngul mun diom Hala-o.

O Kandɔɔ 17:3

O kon mí Abram baŋ vulan, mó tundu hɔlla lɛŋ. Mí Hala hiaw laci a ndu dimullo aa:

Esekiɛl 44:4

Mí langbanɔ kon kɔa vɛlɛ a ya o dio bɛndu va a maluaŋ-ndo, o Cɛi-Hala-o laci. Mɛɛ ya tofa, mí ca mí biilu Mɛlɛka-o pia o Cɛi-Mɛlɛka-o nin ca, o kon, mí del lɛŋ o kuumbuan o kɔl coo.

Daniɛl 7:16

O vanaa va isisi lon-nda tɛɛn, mí sɔɔnguu vana pilɛ ikɛi, mí ɲuna ndu le ya toɲaa dimullo a kɔlɔ vundule len o kɔɔ. Mó tɛɛsial-la kɔlɔ ndɔɔ aa:

Daniɛl 8:27

O kon, ya Daniɛl, mí del a nàá o palɛi taw bɛngu, mí ɲaw sɛ́ɛ́n. O kon kɔɔli, mí siangu, mí muungu baala nuu tosaa o masaa lo. Mí kɔndɔfillo bii ya a vundule len, mí buulan taw, i bii ɲɛ-ɲɛ bila le.»

Esekiɛl 2:1

Mó dimul-la aa: «Nɔm Po vanacieo sei, cɔn mà sim o pelun nɔmndon coo, i co isɔɔ o nɔm ndo.»

Daniɛl 11:27

Yeemɛi biinin masaa ŋiɔŋaa kan le dɛnɛ vɔɔndo tosaa, a vanin icali nɛɛ pilɛ ma dimulan còòlan, kɛ còòla lan la nɛŋinin ɲɛ-ɲɛ le, kani telen kelun-ndo tiiya vɔnin te.