Daniɛl 8:13 - BII BILA

¹³ Mí tuɛi vana diandaa sɔɛi, mí vana diandaa celen ɲuna o va sɔɛi-yo aa: «Vɛ̀ɛ̀ kpɛ́ dɛnnda cɔmnun-ndan o vundulen nin-ndan la viaw yɛnin? Háá telen kuɛɛ sálà solin lepalaa-lepala-o lo yɛnin faŋanndo? Háá lɔ́ɔ́ kuɛɛ dɛnɛ vɔɔn bɛndu kon lo yɛnin tosanndo o cɛi-kola-toandaa diandaa nin, mì kunda mɛlɛkaa cɔwva lo nɛwnɔnndo a labɛngu?»

Daniɛl 8:13 Referans Kwoze

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Daniɛl 4:13

Kɔl ivanacieeyaa faŋannin ndu nin, mì kɔl ivisiyaa luɛi ndu nin, mò lo lende háá vɔsilan laŋɔmmɛw!

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

Luke 21:20

«Telen niaa canin mì vanaa cɔwva balu Yerusalɛm-ndo, la sinanin o kon maa tambii ndɔɛi sɔɔnguu.

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

Esai 63:18

Le telen bingi daama lɛŋnden le va o ba naa vanaa nɔmaa diandaa bɛngu ni, mí yaamɔaa naa nɛw cɛi-kola-toandaa diandaa nɔmndo a labɛngu.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Condii lisai 79:5

Mɛlɛka, háá lɔ́ɔ́ kuɛɛ n lo yɛnin a kɔltuwvo ho? Háá tuma kuɛɛ paŋala nɔmndo ho lo yɛnin sandei he maa leyin?

Yude 1:14

A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Sakari 14:5

La keinin o ból vanin kon o pembun mun tɛɛn-ndo nin mì la ɲaanun, kani ból kon tiiyanin háá Asal. La ɲaanunnin ɲinkon mɛɛ niaa ɲaanun sindɛ lɛŋnde ɲiiyaalen o paale Osias, va masaa Yuda-o len yɛ. O kon kɔɔli, Mɛlɛka Hala nuu hunnin a mɛlɛkaa ndɔa diandaa kpow.

Daniɛl 12:11

Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Daniɛl 7:23

Mí Vana kon dimul-la vɛlɛ aa: ‹Visi hiɔɔlundɔɔ, ndu co tɔɔmasele masale hiɔɔlundɔle vanin o lɛŋnden coo len ni, le vanin teengen a masɛi súúlan kpow. Masale len le dianin lɛŋnden kpede, mì le nɛw len a labɛngu, mì le cui len.

Daniɛl 7:16

O vanaa va isisi lon-nda tɛɛn, mí sɔɔnguu vana pilɛ ikɛi, mí ɲuna ndu le ya toɲaa dimullo a kɔlɔ vundule len o kɔɔ. Mó tɛɛsial-la kɔlɔ ndɔɔ aa:

Daniɛl 4:23

Diomndo ho yɛ aa: «La mɛi ciiye a puundun ndɔn!» Kɔlɔ ndɔɔ co hoo ni: Masale nɔmnden le muungunin nɔm o ba lɔ́ɔ́ n sinanin maa Ó-Hiow-Ɲɔɔn-Kpow-vo nɔ halataala o ba ni-o

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Condii lisai 74:9

N co lɛ latɔɔmasele cɔ le. Vanaa-tɛɛngaa-diom Hala-a co lɛ le, nduyɛ o naa tɛɛn, vana-vana sina telen dɛnndan ndan la cuunin-ndo le.

Masaa kialaa n'yamaa 13:18

Mí mɛlɛkanɔ Hala-o muli aa: «Le yɛɛ nɛ n yeema yɛ diola nilan sinaa? Diola kaamaalan la co ni.»

Tɔŋ miingua 33:2

Mó dimi aa: «Mɛlɛka cɛn Sinai mó hun. O cɛn isisi nda coo Seir, o soli pangeloo cɔnɔnndo o pembei Paran, o tiiya o vanaa ndɔa lo a mɛlɛkaa diandaa taw-taw, a ba ndɔ kɛndɔɔ, mó yɔŋ nda tɔŋndo maa leyin.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Condii lisai 74:10

Kpòkóó Hala, háá telen kuɛɛ yaamɔɔ lo yɛnin nɔm yeowlan ndan nuaa? Vɛ̀ɛ̀ nuaa o lonin nɔm diolan tɛɛmbuuo ni?

Esai 28:18

Kpema co piɔ́mndo tɛɛn a niaa-o tambunin, cɛlan co niaa tɛɛn a ciee-piɔ́m-ndo lonin te. Te kpundɛ bɛndu kon del pɛ, o nɛwnin niaa, mò pesipesi niaa.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Daniɛl 12:8

Ya Daniɛl, mí tuɛi sɔɔn mun, kɛ i bii mun bila le. Lelan, mí ɲuna aa: ‹Maalii nuu, vɛ̀ɛ̀ sɔɔn mun n mɛɛlu yɛnin?›

Daniɛl 4:10

I va vɔ ihini, mí ca mɛlɛkanɔ cumulaa, ɲɛ yoomaa diandaa va tolɔɔ fulaa o halataala-o pɛɛn.