Daniɛl 8:12 - BII BILA

¹² Mí mɛlɛkaa cɔwva a sálà solin lepalaa-lepala-o malnun ndu o ba o hakio nin. Mí lee kon cuiŋi toɲaa lɛŋ. Mó tiwba le sɔɔn o va tosaa-on kpede tosaa.

Daniɛl 8:12 Referans Kwoze

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

Esai 59:14

Le ken naa n ɲindu yamɛi sandɛi kɔɔli ni, mí dɛnɛ sandaa va naa levil lándán. Kani toɲaa co boŋiboŋio o falle nin, dɛnɛ sandaa nɔla fondaa sɔlaa lon te few.

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.

Daniɛl 11:28

Masaa a ba luaŋ-ndo muungunin o lɛŋnde ndɔlen nin a bolofaa taw. Kɛ o nɔnin nɛyɔnndo a kpema diandaa, mò yiyan le ndu tɛɛmbuuo. O kon, o muungunin o lɛŋnde ndɔlen nin.

Daniɛl 8:4

Mí ca saa kóndóó, o va kundɔɔ a ba paalen le del-lo, a ba too a á ba luaŋ-ndo a leela ndɔlan. Visi oo visi óò nɔla ndu simullo le. Vana-vana óò nɔla ɲɛ-ɲɛ hiɔlɔɔ ndu o ba le, ɲɛ hɛnan ndu-o o va tosaa ni. Mó sɔla kpaayaa taw.

Condii lisai 119:142

Sandii nɔmnde co le fɛɛn a fɛɛn, toɲaa tɔŋ nɔmndo co ni.

Condii lisai 119:43

Soli ya sɔɛi nɔmii toɲɛi o sondo le, kani i laalan tɔŋnda nɔmndan.

SƐBƐ YƆB-O 12:6

Kɛ nduyɛ, kɔlɲuloo connun o cɛila vanaa del vannda coo-a nin. Vanaa tɛɛndan Hala-a bɛɛ a connun nila ɲulu vili, hali vanaa co Hala biyɔɔ o ba-a bɛɛ a connun a ɲulu fɛɛ.

1Samiɛl 23:9

David sinaa maa Saul va bɛɛndianndo le ndu dɛnɛ vɔɔndo tosallo, mó dimul Abiatar vana-solia-lasálà aa: «Hun a doma ifalen solia lasálàá.»

Condii lisai 28:5

Kani a co dɛnnda Mɛlɛka tosa lan a ɲɛm o cɔw a laba-on bila biyɔɔ le. Màá Mɛlɛka cii nda! Màá a can ndɛ le!

Daniɛl 7:21

Mí ca lee kon cɔwvo tosaa a vanaa diandaa, mó va le nda nɔlaa,