Daniɛl 8:11 - BII BILA

¹¹ Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.

Daniɛl 8:11 Referans Kwoze

Daniɛl 12:11

Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Esekiɛl 46:14

Idii oo idii, a bɛnda ma handu sálà ɲɛm vaa lecoo: kpeyanndo kiloo leŋuɛɛnu a cuɛiyan litilan latiɔn le kpeyanndo pundɔɔ. Sálà ɲɛm vaa co le Mɛlɛka-o co kon ni. Silalan ndan la co va le fɛɛn a fɛɛn.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Daniɛl 8:12

Mí mɛlɛkaa cɔwva a sálà solin lepalaa-lepala-o malnun ndu o ba o hakio nin. Mí lee kon cuiŋi toɲaa lɛŋ. Mó tiwba le sɔɔn o va tosaa-on kpede tosaa.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Yeremi 48:42

Moabua ɲuminnin, a ve lɛnin lelɛŋ a ba nda le, le tùú nda cennun maa nda co fisa a Mɛlɛka-o pɛɛn.

Yeremi 48:26

Moabua cennun maa nda hiow Mɛlɛka ni, lelan la pimi nda mɔiyan mì ma bii nda, maa kuusuu, mà yɔliyɔlin o kuusuu ndaa nin, mì vannda mam nda!

Esai 37:29

Le tùú n tuulu kɔl a ya-o, le tùú n soo yongaa mí yonga nɔm kon tiiya ya o lani-o, i co nɔm kelɛi nii vow o milin, mì vow nɔm kalafoo o cɔcɔn tɛɛn, o kon i minginin nɔm a nɛi n kei coo ma hun-ndo.

Kundalan 28:3

Ma dimul nda aa sálàla niaa bɛnda le solio mì la lom ndan o yinnden nin le ya Mɛlɛka lan la co lan ni: lepalaa-lepala saa téndéa nɔ vɔsio pilɛ-a, a nɔ lenamta le-a a ŋiɔn. Le fɛɛn a fɛɛn, la bɛnda mì la va ya sálà kon solullo.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Daniɛl 8:24

O hiawnin laci a kpaayaa sɔlaa taw, o tosanin dɛnnda vɔɔnnda vana tui-yɔ bɛɛ le lan. Kɛ nduyɛ, o venin a kpaaya ndɔ kpeekpei le. Dɛnndan kpow la bɛndanin ndu o ba. O tɛɛmbuunin vanaa kpaayaa a yungu vanaa diandaa.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Daniɛl 11:22

Kunda vanaa cɔw súú-súù nɔlanin ndu le. O fukpanin vanaa cɔwva háá mò yimiyimi nda, mò dii vana co bolle kpemaa-o.