Daniɛl 7:6 - BII BILA

⁶ O kon kɔɔli, mí ca vɛlɛ visi celen, velanndo a tambillo. Ndóò nɔ kumbanndan tan hiɔɔlu o kɔɔ maa yow, a bolle ndii hiɔɔlu. Mí kpaayaa yɔngun ndu le masalen tosaa.

Daniɛl 7:6 Referans Kwoze

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Osee 13:7

Kɛ i siŋnunnin le niaa maa yàlà kana, mí mɛngɛla niaa o nɛilan coo maa tambili.

Daniɛl 10:20

O kon, mó ɲuna ya aa: ‹A sina le kɔlɔ ya hin o nɔm ndo o? I co muungu le mɛlɛkanɔ co lɛŋnde Pɛrse len kandaa-o cɔlɔba. I cii pɛ a ndu, mɛlɛkanɔ co lɛŋnde Yavan-nden kandaa-o co vɛlɛ hunɔɔ.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Daniɛl 2:39

O nɔm kɔɔli, masale celen le cannin vɛlɛ, len le hiawnin dɔɔnanndo a masale nɔmnden ni. O len kɔɔli, masale yàándɔlen le cannin. Masale len le vanin maa idaɲa, le pɛngɛlannin o lɛŋnden kpow coo.

Esekiɛl 17:3

Dimul nda aa nuaa Maalii, o co Mɛlɛka-o dimi ni aa: ‹Kovɛ bɛndoo pum cɛn ni, ndóò nɔ kumbannda bɛndulan a bɔɔla vilɛilan, bɔɔla ndɔlan la va lapooɲɛilan, mó kɔa háá Liban, mó kɔ sungu yɔm sɛɛdre bollen.

Daniɛl 7:5

Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›