Daniɛl 7:5 - BII BILA

⁵ Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›

Daniɛl 7:5 Referans Kwoze

Daniɛl 2:39

O nɔm kɔɔli, masale celen le cannin vɛlɛ, len le hiawnin dɔɔnanndo a masale nɔmnden ni. O len kɔɔli, masale yàándɔlen le cannin. Masale len le vanin maa idaɲa, le pɛngɛlannin o lɛŋnden kpow coo.

Osee 13:8

I kpuvanin niaa maa kɔ́lɔ́vúlu nda cuel cuavaa ndɔa-o, mì sɛɛsiaa yala kɔlta niaalan la co nin-ndo. I sɔamnin niaa maa yàlà laandu, mì visia yondoa siow niaa sɛɛsiaa.

Daniɛl 11:2

Nihau, i co nɔm toɲaa cɔm: Tofa vɔ! Masaa nda yáá cannin vɛlɛ mà tosa masalen o lɛŋnde Pɛrse len coo. O hiɔɔlundɔɔ sɔlanin bolofaa mò hiow a yáá-aa kan kpow. Lɔ́ɔ́ o sɔlanin yoomuan taw a bolofaa ndɔɔ-o, o nuwviaanin nɛilan le masaa Yavan cɔlɔbaa.

Daniɛl 5:28

Farsin! Kon co dimio ni aa: ‹Piɔwvo›. Masale nɔmnden le piɔwnun, mí le yɔngun yungoo Medii a yungoo Pɛrse.»

Esai 56:9

Niaa visia yondoa kpow, la hun le dioo. Niaa visia co o bundɔɔ nin-nda kpede la hun!

Talelan 17:12

O co fisa mì vana bɔŋan a kɔ́lɔ́vúlu nda cuel cuavaa ndɔa-o, a bɔŋanndo a diɔm seemaa pɛ o kɔl-lo.

2Masaa 2:24

Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Daniɛl 7:6

O kon kɔɔli, mí ca vɛlɛ visi celen, velanndo a tambillo. Ndóò nɔ kumbanndan tan hiɔɔlu o kɔɔ maa yow, a bolle ndii hiɔɔlu. Mí kpaayaa yɔngun ndu le masalen tosaa.