Daniɛl 7:4 - BII BILA

⁴ Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Daniɛl 7:4 Referans Kwoze

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Esekiɛl 17:3

Dimul nda aa nuaa Maalii, o co Mɛlɛka-o dimi ni aa: ‹Kovɛ bɛndoo pum cɛn ni, ndóò nɔ kumbannda bɛndulan a bɔɔla vilɛilan, bɔɔla ndɔlan la va lapooɲɛilan, mó kɔa háá Liban, mó kɔ sungu yɔm sɛɛdre bollen.

Matie 24:28

Nɛɛ ɲɛ vílɛ́iyo co-a, lon duàá cuungian ni.»

Esekiɛl 28:9

Vɛ̀ɛ̀ a nɔla vɛlɛ mà dimi vanaa co nɔm diyɔɔ-a o hɔl aa hala n co ni? Nduyɛ vanacieo daama n lonin ɲinkon vanaa vanin nɔm diyɔɔ-a o ba ni. A venin hala nda o ba le.

Esekiɛl 28:2

«Po vanacieo sei, dimul masa co kobio Tir bollen-ndo aa nuaa Maalii Hala dimi ni aa: ‹Kɔl nɔmndo pɛ a kuundianndo háá má dimi aa hala n co ni! A co icali o ɲɛ-calaa Hala-o coo o mɛmma ihɛllan tɛɛn. Nɔm yɛ, vanacieo n co ni, a co Hala le, kɛ má tuu maa yiyan nɔmndo a yiyan Hala-o kpen-kpen la co ni.

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.

Yeremi 48:40

O Mɛlɛka dimi-o co hoo ni aa: «Mɛɛ kovɔ́ɔ̀ pɛɛnga bɔɔlan mò kilan coocoo yɛ, yaamɔɔ co kilanndo Moab coo ni.»

Yeremi 25:38

Lɛŋnde ndalen le piow calta ndɔlan mɛɛ yàlàá piaw bɔɔ ndɔɔ nuaa yɛ, kani le siŋnun lɛŋnde dɛnɛ palaalen a mɔnɛ cɔwvo soli a len-ndo a á kɔltuw bɛndu Mɛlɛka-o.

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Condii lisai 9:20

Mɛlɛka, cɔn fɔ́! Cɛl mì vanacieo sɔla kpaayaa le. Màá yamɛi vanaa-mangalaa-isɔɔa kpede i kiolun nɔm o hɔl!

SƐBƐ YƆB-O 25:6

Vɛ̀ɛ̀ vanaciee connun hoo maa londopolo-o ndu tiw yɛ niko ba mò va o diandaa Hala o hɔl? Vanacieo pɛɛn, o connun hoo maa dɛlu-o.»

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Daniɛl 7:5

Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›

Yeremi 49:19

I vanin maa yàlá co fulaa o bɔɔ nin o peo Yurdɛn kɔngɔ le luɛyɔɔ o hèéo nin-ndo. I tosanin mì vana-vana piɔl o lepilɔɔ. O kon kɔɔli mí handu masa ya yeema-o Edɔm. Kani ɔ́ɔ̀ vana co maa ya-o? Nɛ̀ɛ́ ya downun yɛnin kona? Ɔ́ɔ̀ simlacinɔ nɔla ya simullo-o?

Daniɛl 2:38

Vanndacieea, visia yondoo nin a yowva coocoo, nɛɛ-nɛɛ nda co, mó luei nda nɔm o ba bɛngu. Mó siinguu nɔm vana bɛndoo nda kpow coo. Nɔm co bolle n'sianile piɔm kon ni.

Daniɛl 7:12

Mí masalen a kpaayaa puunun visia tɔ̀a o ba, kɛ má cɔɔlu nda yoomoo le telenndan lapum.