Daniɛl 7:27 - BII BILA

²⁷ Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Daniɛl 7:27 Referans Kwoze

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Luke 1:33

O vanin masalen tosaa polale Yakɔb len coo le fɛɛn a fɛɛn, masale ndɔle len le nɔnin lamɛɛlu le.»

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Daniɛl 7:22

háá telen Bɛndu Yuu Masindɛ-Sindɔɔ hin le yamɛi kiolɔɔ-o, mó ke vanaa diandaa Ó-Hiow-Ɲɔɔn-Kpow-vo-a di. Mɛɛ telenndo tiiya, mí vanaa diandaa sɔla masalen.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

Esai 54:3

Kani a pɛngɛlannin o ba kɛndɔɔ a o ba mɛllo coo, cuavaa nɔmnda biinin vanaa-mangalaa-isɔɔa, a pianin o kobila connun fondolan nin ca.

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Nsaŋ 12:34

Mí sɛ́lɔ́ɔ́ mulul ndu aa: «O naa n saalun o sɛbɛ latɔŋndo nin-ndo co ni maa Krista vanin yoomu le fɛɛn a fɛɛn. Le yɛɛ n co yɛ niko naa dimullo aa: ‹Mɛɛ mì Po vanacieo sɔla heeloo? Nɛ̀ɛ́ co yɛ nin Po vanaciee kon?› »

Abdia 1:21

Vanaa baŋa vannda-a helnin o pembei Siɔn coo le masalen tosaa o pembii Esau-ve coo. O kon Mɛlɛka vanin masaa kpeekpei.

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

1Korɛntea 15:24

O kon, mɛɛlulan la tiiya. Telen kon o minginin Hala Fuɲaa masalen o ba ni, mò tɛɛmbuu masalen a kpaayala lemalan kpow.

Dɛnnda cɔɔmuanndan 11:1

Má yɔngu ya kpɛ̀ndɛ̀len, vanaa ce pɛ len aa sionnde tuvaalen ni. Má dimul-la aa: «Cɔn ma tuu Cɛi-Hala-o a fonda-loamaa-lasálàá, mà cɔm vanaa co biiloo lon-nda.

Esai 14:2

Mialla cuanin nda, mà mingi nda o calta ndalan. O kon, mì Israɛlla siinguu mialaa kan buɛyaa piaandua a buɛyaa laandua, o lɛŋnde Mɛlɛka len nin. A siinguunin vanaa óò bii nda o cɛlen nin-nda cɛa ndaa, mà siŋnun vanaa bɛndua vanaa va nda mɔnɛi lueiyo-a coo.»

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!