Daniɛl 7:25 - BII BILA

²⁵ O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 7:25 Referans Kwoze

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Dɛnnda cɔɔmuanndan 18:24

Babilɔn ndon nda saalun kooma vanaa-tɛɛngaa-diom Hala-a ni, ma vanaa diandaa a kooma vanaa-vanaa nda kelu bololan o lɛŋnden coo-a-an.

Daniɛl 7:20

Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Dɛnnda cɔɔmuanndan 14:12

Nuaa biuvɔn vanaa diandaa co le Hala-a cɔ̀mnun ni, a co tɔŋnda ndɔlan biyɔɔ mà laalan Yeesu-a pɛɛn!

Daniɛl 11:28

Masaa a ba luaŋ-ndo muungunin o lɛŋnde ndɔlen nin a bolofaa taw. Kɛ o nɔnin nɛyɔnndo a kpema diandaa, mò yiyan le ndu tɛɛmbuuo. O kon, o muungunin o lɛŋnde ndɔlen nin.

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

2Tesalonikea 2:3

La cɛ̀l mì vana-vana hui niaa o nɛi oo nɛi coo le. Kani fɔ mì vannda kɛɛ laalanndo malan paale len le tiiya. O kon mì vana tɛɛmbua fula, o bɛnda le lou o ɲánndávàà-o pɛɛn.

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Daniɛl 3:26

Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Daniɛl 8:14

Mó mulul-la aa: «Fɔ mì telenndan, icɔl a idii, vàálan tan tiɔn kɛmɛ leyáá la cuu. O kon kɔɔli, cɛi-kola-toandaa diandaa Mɛlɛka-o muungu vɛlɛ o diandaa Mɛlɛka o hɔl.»

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Daniɛl 8:9

Mí lee pɔmbɔɔ vul o leela lan o pilɛ, mó sɔla kpaayaa a ba too, a ba paalen le can-ndo a á ba lɛŋnde hiow naŋɔɔ len.

Daniɛl 8:11

Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»