Daniɛl 7:20 - BII BILA

²⁰ Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Daniɛl 7:20 Referans Kwoze

Daniɛl 7:23

Mí Vana kon dimul-la vɛlɛ aa: ‹Visi hiɔɔlundɔɔ, ndu co tɔɔmasele masale hiɔɔlundɔle vanin o lɛŋnden coo len ni, le vanin teengen a masɛi súúlan kpow. Masale len le dianin lɛŋnden kpede, mì le nɛw len a labɛngu, mì le cui len.

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Daniɛl 7:11

I va tofaa tuŋ le sɔɔn yongan va fulaa lee pɔmbɔɔ o sondo-on. I lo tofaa, mí visi kon diinun, má tɛɛmbuu visin ndɔn, má viaw mun o yinnden nin.

Dɛnnda cɔɔmuanndan 12:3

O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Daniɛl 7:7

O kon kɔɔli, mí va hiovɔɔ laci a vundule len cɔu, mí ca vɛlɛ visi celen, o hiɔɔlundɔɔ. Visi vueinanndo a visi nɔ kpaaya kɔndɔfillo-o pɛɛn. Ciŋun iciliŋun bɛndon va ndu o sondo. O va dioo a cuiyo, mó va ɲɛ tɔ̀ va lou-vo nɛwvo a labɛngu. O va teengen a visia tasea fula ndu laci-a, ndóò nɔ leelan tɔ́.

Daniɛl 7:19

O kon kɔɔli, mí yeema le sɔɛi visi hiɔɔlundɔɔ sinaa, visi va kon teengen a visia tasea-o. Visi kon ndóò vueinun taw-taw, ciŋun ndɔn cilinnde n va ni, yɛmbɛn ndɔn daɲan n va ni. O va dioo a cuiyo, mó va ɲɛ tɔ̀ va lou-vo nɛwvo a labɛngu.

Daniɛl 7:21

Mí ca lee kon cɔwvo tosaa a vanaa diandaa, mó va le nda nɔlaa,