Daniɛl 7:14 - BII BILA

¹⁴ Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 7:14 Referans Kwoze

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Luke 1:33

O vanin masalen tosaa polale Yakɔb len coo le fɛɛn a fɛɛn, masale ndɔle len le nɔnin lamɛɛlu le.»

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Abdia 1:21

Vanaa baŋa vannda-a helnin o pembei Siɔn coo le masalen tosaa o pembii Esau-ve coo. O kon Mɛlɛka vanin masaa kpeekpei.

Daniɛl 3:4

Mí vana yondaa heelu diomndo kpélén aa: «Niaa vanaa-mangalaa-isɔɔa a yungulan kpow, a niaa vanaa dimi sɔɔn mangalan yɛ́-yɛ́ɔn o lɛŋnden coo-a, la yaŋ nilan o sɔɛi masaa dimi-e.

Daniɛl 2:35

O kon, mí cilinnde, puulu loamaa, daɲan, volin humbon a sianion cuinun kpow o lepilɔɔ, mí n siŋnun mɛɛ foeende va o kpele lɔaa n'mallo coo a vɔɔlen nuaa yɛ. Mí hoeiye kɔandu mun selemenden, hali foofoo lo le. Mí pow soŋ kon piɔmndo-o siŋnun pembii bɛnduei, mí i pia lɛŋnden ca.

Esai 60:12

Kani te vanaa-mangalaa-isɔɔa a masalen a hun kɛɛ pɛ le nɔm baalaa tosallo, a tɛɛmbunnin nda mà ɲum mundu.

Condii lisai 146:10

Mɛlɛka co masa fɛɛn-fɛɛndo ni. Niaa vanaa co Siɔn-nda, ndu co Hala niaa le lɔ́ɔ́-lɔ́ɔ̀ ni. La lisa ndu!

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Condii lisai 45:6

Kɔɔn nɔmndon co n'siɛɛmbiaa siembulu-siembulu, n co vanaa súúla celennda mɛlio nɔm o labɛngunin. Kɔɔn mun co yaamɔaa masaa kɔltan buuluuo.

Condii lisai 8:6

Ɲɛ-pɔmbɔ koni ɲaa yoomaa co o halataala-a hiow ndu ni. A dovi ndu a naŋɔɔ a á biiloo,

Nsaŋ 12:34

Mí sɛ́lɔ́ɔ́ mulul ndu aa: «O naa n saalun o sɛbɛ latɔŋndo nin-ndo co ni maa Krista vanin yoomu le fɛɛn a fɛɛn. Le yɛɛ n co yɛ niko naa dimullo aa: ‹Mɛɛ mì Po vanacieo sɔla heeloo? Nɛ̀ɛ́ co yɛ nin Po vanaciee kon?› »

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Daniɛl 4:3

Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.

Condii lisai 102:22

Vannda solinin Mɛlɛka tɔ́ɔ́ Siɔn, mà sangala ndu Yerusalɛm,

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Esai 16:5

O kon, vanndo pum hun tosanin masalen o kpɛŋɛ lemasa David-o coo, masale ndɔlen le vannunnin le simiaa yili. O tosanin masalen vannda coo a dɛnɛ kɛndɔɔ a sandei. O kaolanin dɛnɛ sandaa a sakpoyɛi.»

Daniɛl 2:37

Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Condii lisai 103:19

Mɛlɛka co o kpɛŋɛ lemasa ndɔɔ nin o halataala, o co masalen tosaa o lɛŋnden kpow coo.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»