Daniɛl 6:8 - BII BILA

⁸ Vanaa lebolaa bɛndua, vanaa kialaa n'yamaa, vanaa silaa masaa a masaa n'bungaa cii cɛlan o tɔŋndo pum coo. Lelan, mì nɔm pila handu ba lecoo. Tɔŋ kon co hoo ni: o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, o viawnunnin o soon yàlàá nin.

Daniɛl 6:8 Referans Kwoze

Daniɛl 6:15

Mɛɛ masaa tuei sɔɛi ken, mó sanga o kɔl ndɔɔ nin taw. Mó nuwviaa nɛiyo le Daniɛl baŋaa. Mó kindin taw le ndu ciindiaa háá icɔllo.

Ɛstɛr 1:19

Lelan, te masaa cɛl pɛ, o yii tɔŋ vana nɔla faŋa loo, mò sɛvan o sɛbɛ tɔŋ Pɛrsea a Mɛdea nin, maa Vasti bɛnda lɛ le hunɔɔ masaa Sɛrsɛs o hɔl te, mì nɔm masaa dimi vɛlɛ ndi vakpa maa vanalanɔ celen muungu o fonda Vasti-o, o co fisa a ndu Vasti-o.

Daniɛl 6:12

Mí yaamɔaa ndɔa kan a keleŋa lakɔ o ndu Daniɛl lo, má komal ndu, o va Hala tɛɛlɔnndo a ndu piɛiyo.

Esai 10:1

Dɛnɛ palaa co le vanaa co tɔŋnda lakafalan yɔngoo-a, vanaa co tɔŋnda tuisi vannda sangaa coo lan sɛvaa-a pɛɛn,

Ɛstɛr 8:10

Má sɛwviaa sɛbɛla lan o diola masaa Sɛrsɛs lan, má pila pondale kelɛi ndɔɛi lecoo. O kon má yɔngu vanaa ɲaanun soa-a lan, mí nda hel o soa téndéa nda hɛli o cɛi mandaa soa lemasaa nin-nda coo, má piɔw lan.

Ɛstɛr 3:12

Paangii tasei va malɔ tɔ́ a leyàá, má veelu vanaa sɛvaa masaa, má sɛval vanaa lebolla, masaa n'bungaa yɛ́-yɛ́a a simlacia va vannda coo-a sɛbɛlan. Mí sɛbɛla lan la sɛwviaan o sɛvala yɛ́-yɛ́lan nin a o sɔɔn mangalan yɛ́-yɛ́n va o lɛŋnde len nin-ndon nin. O diola masaa Sɛrsɛs lan nda sɛva sɛbɛla lan ni. Pondale ndɔlen koni ndáà handu vɛlɛ lecoo ni.

Ɛstɛr 8:8

Niaa pila sɛva dɛnɛ kɛndɛ vana tosal Yuifia, mà hini kɔl-lo. La sɛva sɛbɔɔ o diola nilan, mì la handu pondale kelɛi nii lecoo. Kani sɛbɔɔ sɛvan pɛ o diola masaa, mì pondale ndɔlen le handun lecoo, sɔɛi ken melnun lɛŋ te.»

Ɛstɛr 8:3

Mí Ɛstɛr del vɛlɛ masaa o labɛngunin a caŋndo le ndu tɛɛlɔnndo, haliko mi ndóò tɛɛmbuu tuulan a yiyannda Haman fula kon o polale Akak len nin-ndo ndóò nɔ le Yuifia kpede diwvo lan.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Daniɛl 5:28

Farsin! Kon co dimio ni aa: ‹Piɔwvo›. Masale nɔmnden le piɔwnun, mí le yɔngun yungoo Medii a yungoo Pɛrse.»

Condii lisai 94:21

A co yiinanndo le vana sandaa delɔɔ coo, le vana tɛɛmbuu isɔɔ loo yaalaa.