Daniɛl 6:4 - BII BILA

⁴ Mí Daniɛl kon hiaw vanaa lebolaa kan a masaa n'bungaa kan kpow dɛnɛ sinaa a sɔɔn taw, kani kɔl kaamaa va ndu nin. Lelan, mí masaa tuu le ndu kɛsio vana bɛndoo o masale ndɔlen kpow coo.

Daniɛl 6:4 Referans Kwoze

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Luke 20:20

O kon ma va Yeesu hɔlten kɔɔli, má viam vannda, mí vanaa kan tosa maa a kɔlta ndalan kpeekpei ndáà kɔɛ ni. Ndáà yeema mì ndáà tosa, mì Yeesu ndóò biinun a sondo, o kon mì ndáà kɔ lɔlu ndu o vanaa kialaa n'yamaa a o simlacia lelɛŋnda lo.

Tite 2:8

Mì sɔɔn nɔmndon n sandu, vana nɔla mun sɛɛngiaa le, o kon mì yaamɔɔa laasian, a nɔla lɛ ɲɛ-ɲɛ vɔɔn dimi a naa o kɔɔ le.

Matie 27:18

Nduyɛ Pilate ndóò sina maa le paŋala simlacia ndáà nɔ a Yeesu-o nda hin a ndu o ndu lo ni.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Talelan 29:27

Vanaa sendu le-a nɛinun vanaa sandaa, mì kela vanaa sandaa bɛɛ nɛinun kela vanaa sendu le-a.

Masaa kialaa n'yamaa 14:4

Yungu Samsɔn-ndo ve sina maa Mɛlɛka pila le ndóò luei po ndaa yiyan kon nin le mɛɛ ndóò sɔlà fɛɛlɔɔ le Filistia cɔlɔbaa yɛ le. Nduyɛ o telen kon, Filistia o ba bɛngu Israɛlla va ni.

O Kandɔɔ 43:18

Mí siòònde bii nda le yɔɔ nda yɛɛ nda o yiya o Yosɛf lo cɛinin-ndo, má dimulan aa: «Le volin naa n saalun lɔ́ɔ́ kon o bɔlɔla naalan nin-ndon nda hin a naa nanu nuaa ni. A co naa delɔɔ coo mà siinguu naa cɛa, mà puu naa sofɛlɛa naa o laba.»

2Korɛntea 11:12

O ya co tosaa-o, i hiawnin laci a ndu tosaa haliko mi tɛɛmbuu yonga vanaa co yiyanndo maa a co baalaa tosaa maa naa-a.

Nsaŋ 19:4

Mí Pilate fula vɛlɛ o dio, mó dimul Yuifia aa: «La yaŋ ndɔ nilan, i co niaa ndu solul o bɛ́ɛ̀ haliko mi la sina maa i ci ɲɛ-ɲɛ vɔɔn o tosa le.»

Luke 22:2

mí bolii vanaa-solia-lasálàá a vanaa pɛɛkaa latɔŋnda va nɛilan nuwviaa le Yeesu diyɔɔ, kani siòònde va nda a vannda.

Matie 26:4

Má kɔ mɛi le kɔlkalu vɔɔndo nuwviaa le Yeesu biyɔɔ, haliko mi ndáà dii ndu.

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

1Samiɛl 22:14

Mí Ahimelɛk mulul ndu aa: «Kɛ masaa, o vanaa nɔmaa baalaa tɛɛn kpow, ɔ́ɔ̀ vana sandu maa David-o? Lefu nɔm o co ni, nɔm masaa pɛɛn, ndu co vanaa co nɔm kandaa-a bollen ni. Vannda ke vɛlɛ ndu bɛɛlen taw o cɛi lemasaa nin.

1Samiɛl 18:14

Mí ɲɛ-ɲɛ va David bɛndaa o ba, kani Mɛlɛka va ndu ikɛi.

Luke 20:26

A nɔla ndu biyɔɔ o sɔɔn ndɔn nin vannda o hɔl te. Mí kɔndɔfillo bii nda a muli ndɔɔ, má mei.

Yeremi 29:7

La kindin mì kobi niaa co nin o biyɔɔ nin-ndo sɔla dɛnɛ kɛndɔɔ. La piɛi Mɛlɛka le ndu, kani o sɔla pɛ dɛnɛ kɛndɔɔ, niaa bɛɛ la sɔla ndu.›»

Daniɛl 6:22

Mí Daniɛl mulul ndu aa: «Òó masaa! Màá viow yoomu fɔ́!

O Kandɔɔ 41:38

O kon mí Faraɔnnɔɔ ɲuna vanaa bɛndua kan aa: «N sɔlanin pá vanndo o tiwnin ba le vali kon tosaa-o maa poo ho, o kɔl Hala-o co hoo nin-ndo?»

1Samiɛl 12:4

Mí Israɛlla mulul ndu aa: «A saangiaa naa le tɔnɔ soli naa o n'dial te, a luei naa imɔnɔ le, a bii vɛlɛ vana ɲɛ o ba a lakafa le few.»

Daniɛl 5:12

Mɛɛ kɔl kaamaa kon, dɛnɛ sinaa pɛɛkaa a sinapɛngoo le lɔma sɔlaan a vunduan tɛɛsiaa co Daniɛl kon nin yɛ, o nda ke diolan aa Bɛlsasar-o pɛɛn, veelu ndu mò cɔm nɔm sɛvaa ho a kɔlɔ ndɔɔ.»